მთავარი გზა თქვენი აგარაკის ყველა ფუნქციონალურ ზონას უნდა უკავშირდებოდეს, იქნება ეს სახლი, აბანო, ბარ-ბექიუს ზონა, აუზი თუ ბოსტანი.

იმისათვის, რომ აგარაკზე გაკეთებული პატარა საფეხმავლო გზა თუ ბილიკი პასუხობდეს თანამედროვე სტანდარტებს, ოყოს ლამაზი და კომფორტული, შემდეგ მოთხოვნებს უნდა აკმაყოფილებდეს, პირველ რიგში მასზე ფეხი არ უნდა ცურავდეს, ფერით უნდა შეესაბამებოდეს შენობასა და ეზოს და უნდა ჰქონდეს ოპტიმალური ტრაექტორია.



როგორი ბილიკის გაკეთება ჯობს აგარაკზე, სწორის თუ შეტეხილის? ცოტა ხნის წინ ეს თემა მწვავე დისკუსიის განხილვის საგანი გახლდათ. საბოლოოდ კი მივიდნენ დასკვნამდე, რომ მთავარი ბილიკი უმჯობესია იყოს სწორი, მიყვებოდს ყვავილებსა ბუჩქებს და გზადაგზა ჰქონდეს მცირე შემაღლებები. ასე ის უფრო ზღაპრულ იერს იძენს.

საჭიროა თუ არა დამატებითი ბილიკები თუ ერთი მთავარი გზა საკმარისია?



საქმე ის არის, რომ პატარ-პატარა ბილიკები თქვენს აგარაკს უფრო დახვეწილს გახდის. ბილიკის დაგეგმვის დროს ეცადეთ, რომ მარშრუტი იყოს მაქსიმალურად საინტერესო და გრძელი.

როგორც წესი, მეორეხარისხოვანი გზა შედარებით ვიწრო უნდა იყოს და მის მოსაპირკეთებლად იყენებენ ხელოვნურ ან ნატურალურ ქვას. ასევე ძალიან კარგად გამოიყურება პატარ-პატარა ხიდები.



კარგად დაიმხსოვრეთ, ბილიკის დაგეგმვის დროს აგარაკის არც ერთი ნაწილი არ უნდა დაგრჩეთ უყურადღებოდ.

აგარაკზე გასეირნება საინტერესო უნდა იყოს. უფრო მეტი ემოციისათვის კარგი იქნებოდა, დახურული სივრციდან ღიაში და პირიქით, ღია სივრციდან დახურულ სივრცეში გადაადგილება.



მარშრუტის მთელ სიგრძეზე გირჩევთ განალაგოთ პატარა ჩამოსაჯდომი ხის სკამები, საქანელები, ჰამაკი და ა.აშ. ყველაფერი ისე უნდა იყოს მოწყობილი, რომ სეირნობისას ნებისმიერ დროს ადვილად შეძლოთ ჩამოსაჯდომი ადგილისა თუ ჩრდილს ან მზიანი ადგილის მონახვა.