ექსცენტრული ისლანდიელი მომღერალი ბიორკი ბრუკლინში საცხოვრებლად 2009 წელს გადავიდა. მაშინ ის ოდიოზურ ამერიკელ მხატვარსა და წარმოდგენების ოსტატს, მეთიუ ბარნის ხვდებოდა, რომელსაც ქალიშვილი იზადორა გაუჩინა და ოჯახმა ნიუ-იორკში საერთო სახლის შეძენა გადაწყვიტა. მათ ჰენრი სტრიტზე 4 მლნ დოლარიანი პენტჰაუსი შეიძინეს. 2014 წელს წყვილი ერთმანეთს დაშორდა და ერთი წლის შემდეგ ბიორკმა ყოფილი ქმრისგან საკუთარი წილი აიღო, რაც 1, 61 მლნ დოლარს შეადგენს. 3 წლის შემდეგ კი ბიორკმა ბრუკლინურ პენტჰაუსთან გამომშვიდება გადაწყვიტა და 9 მლნ დოლარად ყიდის.

საუბარია 278 კვ.მ. ფართზე 4 საძინებლით, 4 სააბაზანო ოთახით, ყველა საჭიროებით აღჭურვილი სამზარეულო, სასტუმრო, სასადილო ოთახითა და კაბინეტით. ბინა 1924 წელს აშენებულ მაღალსართულიან შენობაში მდებარეობს, აქვს ტერასა, საიდანაც მანჰეტენისა და თავისუფლების ქანდაკების ხედი იშლება.