მომღერალი იძულებული გახდა სოლიდური თანხა დაეხარჯა იმის გადასამოწმებლად, რომ სახლის რემონტისას მიმდებარე ტერიტორიაზე მეორე მსოფლიო ომისდროინდელი აუფეთქებელი ჭურვები არ არის.
28 წლის დუა ლიპა გააფრთხილეს, რომ მის 6,75 მილიონი ფუნტის ღირებულების სახლში სამშენებლო სამუშაოების დაწყებამდე იმ ჭურვების არსებობა  შეემოწმებინა, რომლებიც შესაძლოა 1940-იანი წლებიდან შემორჩენილიყო. არქიტექტორებმა აღმოაჩინეს, რომ სასახლის ირგვლივ რამდენიმე ქუჩა ნაცისტური თვითმფრინავების მიერ იყო დაბომბილი. მხოლოდ აუფეთქებელი ჭურვების შესახებ შეტყობინების მიღების შემდეგ მისცეს მის გუნდს ნებართვა აეშენებინა სახლი, რომელსაც მიწისქვეშა აუზი აქვს.

სამწლიანი სამართლებრივი დავის შემდეგ, როგორც იქნა, დუა ლიპას ლონდონის სახლში სარემონტო სამუშაოები დაიწყო. ვარსკვლავმა ქონება 2017 წელს იყიდა, 22 წლის ასაკში თუმცა, 2021 წლის დეკემბერში საცურაო აუზის, საუნის, საშხაპეების, გასახდელი ოთახების, დასასვენებელი ადგილის, კინოსა და სხვა სივრცეების მშენებლობის გეგმებზე წინადადების წარდგენის შემდეგ კონსერვაციის სამსახურმა წინააღმდეგობა შეუქმნა. შარშან მომღერალმა მშენებლობის ნებართვა მიიღი, თუმცა სარემონტო სამუშაოები მინიმუმამდე უნდა დაეყვანა და უნდა გამოეყენებინა სპეციალური მოწყობილობები, რათა მეზობლები ხმაურს არ შეეწუხებინა.

დუას გეგმები მის სახლთან დაკავშირებით მართლაც გრანდიოზულია, რომელთა განხორციელებაც, როგორც უკვე გამოჩნდა, არც ისე მარტივი იყო. ოთხი წლის შემდეგ როგორც იქნა, იპოვა მშენებლები, რომლებიც მის მუსიკალურ სტუდიას, საცურაო აუზს, სპორტდარბაზს, კინოსა და ლაუნჯს მოწყობენ. მაგრამ ეს ყველაფერი მკაცრად გაკონტროლდება სახელმწიფოს მხრიდან, რადგან მომღერლის ინიციატივას ძალიან ბევრი მოწინააღმდეგე გამოუჩნდა. საქმე ის გახლავთ, რომ დუა ლიპას სახლი დაცულ ტერიტორიაზე მდებარეობს.