ცნობილი ტელეწამყვანი 83 წლის ასაკში სიმსივნით გარდაიცვალა. ბოლო ორი წელია ის კამერის წინ არ გამოჩენილა, თუმცა იუმორისტული პროგრამის შექმნაზე მუშაობას არ თმობდა.
მხიარულთა და საზრიანთა კლუბის ცნობილი ტელეწამყვანი 8 სექტემბერს გარდაიცვალა. მისი მემკვიდრეები არიან ქვრივი და ერთადერთი ვაჟი. სწორედ მასლიაკოვ უმცროსი, კრეატიული ასოციაციის გენერალური დირექტორი 2013 წლიდან, იქნება მისი ბიზნესის სრული მფლობელი. ეს საკითხი ოჯახში 2024 წლის დასაწყისში მოგვარდა. ტელეწამყვანმა და მისმა მეუღლემ აქციები მათ ერთადერთ ვაჟს გადასცეს.

მეუღლესთან ერთად მასლიაკოვი 1971 წლიდან ცხოვრობდა. სატელევიზიო ვარსკვლავის ერთადერთი ცოლი ყოველთვის კადრს მიღმა რჩებოდა, თუმცა მხიარულთა და საზრიანთა კლუბის განვითარებაში ყოველთვის დიდი წვლილი მიუძღვოდა, რადგან გადაცემის რეჟისორი იყო.

საერთოდ, მხიარულთა და საზრიანთა კლუბს ტელეწამყვანის მთელი ოჯახი უკავშირდება, შვილიშვილი საბავშვო გადაცემის წამყვანი იყო, რძალი კი - დირექტორი.
ოჯახის მთავარი შემოსავალია ფაქტობრივად ეს ბიზნესი გახლდათ. მაგალითად, 11 წლის წინ ფორბსის მონაცემებით, ამ გუნდის წლიურმა შემოსავალმა 3,5 მილიონ დოლარს მიაღწია. ეს თანხა შედგებოდა სატელევიზიო გადაცემებიდან შემოსული თანხისგან, გუნდების ერთობლივი გასტროლებიდან და მონაწილეთა ინდივიდუალური სპექტაკლებიდან. წყაროების მონაცემებით, 2023 წელს კომპანიის მოგებამ 1,2 მილიარდი რუბლი შეადგინა.

მასლიაკოვის ვაჟის ოჯახი


2021 წელს კი მასლიაკოვი რუსეთში ყველაზე მაღალანაზღაურებადი ტელეწამყვანების რეიტინგს ჩაუდგა სათავეში, ერთ წელიწადში მან 500 მილიონი რუბლი გამოიმუშავა.
თანხები შთამბეჭდავია, რაც საკმაოდ მდიდრულად ცხოვრების საშუალებას იძლევა, ოჯახს აქვს კიდეც სოლიდური ქონება. ხუთი წლის წინ იყიდეს ორსართულიანი სასახლე (654 კვ.მ.) რუბლევო-უსპენსკოიეს გზატკეცილზე, 15 ჰექტარი მიწის ნაკვეთზე. მაშინ ეს უძრავი ქონება 388 მილიონ რუბლად შეფასდა. კიდევ უფრო ადრე მოსკოვის ცენტრში შეიძინეს 200 კვადრატული მეტრის ბინა. ამ ყველაფერს დედა-შვილი გაიყოფს. თუმცა ჯერჯერობით ალბათ ყველაფერს დედა გადაიბარებს, რადგან არც შვილი ცხოვრობს სიღარიბეში.
ტელეწამყვანს ძვირად ღირებული ავტომანქანების პარკიც ჰქონდა, რაც ასევე მის მემკვიდრეებს დარჩება.