როგორც ამბობენ, ფანტაზიას საზღვარი არ აქვს. და თუ სახსრები იძლევა საშუალებას და არის სურვილი, შეგიძლია უსასრულოდ "სრულყო" შენი საცხოვრებელი. რამდენი სივრცე სჭირდება ადამიანს კომფორტულად საცხოვრებლად? 30კვ.მ ოთახი, სამზარეულო, აბაზანა, ოფისი? კითხვა ორაზროვანია, ყველას პირადი სივრცის საკუთარი აღქმა აქვს, მაგრამ მოდით შევხედოთ ყველაზე ძვირად ღირებულ სახლებს მსოფლიოში და დავინტერესდეთ, რა სჭირდებათ ბედნიერებისთვის იმ ადამიანებს, რომლებიც მილიონებს შოულობენ.


1. შვეიცარიული ოქროს სახლი - 12 000 000 000 დოლარი

მდებარეობს შვეიცარიაში. საერთო ფართი - 725 კვ. მ, რაც საკმაოდ მოკრძალებულია დღევანდელი მილიარდერების სტანდარტებით. სულ 8 საძინებელი, დიდი ტერასა საცურაო აუზით, ავტოფარეხი რამდენიმე მანქანისთვის. რამ განაპირობა სახლის ასეთი ზღაპრული ფასი?

მოპირკეთებამ. გამოყენებულია 200 ტონაზე მეტი ძვირფასი ლითონი - ოქრო, ვერცხლი, პლატინა. მაგრამ ეს ყველაფერი არ არის. პროექტის ავტორი იყო ცნობილი დიზაინერი სტიუარტ ჰიუზი, რომელიც ცნობილია თავისი შოკისმომგვრელი ხრიკებით და პროექტებში უზარმაზარი რაოდენობით ოქროს, პლატინის, ბრილიანტის და ა.შ. გამოყენებით, მაგრამ აქ მან აჯობა საკუთარ თავსაც. მისაღები ოთახის ბარი მორთულია ბუნებრივი მეტეორიტებით. ეს მასალა წარმოუდგენლად ძვირია, ისევე როგორც ბარში გამოყენებული ფირფიტები მტაცებელი დინოზავრის ძვლებისგან, რომელიც დედამიწაზე 65 მილიონი წლის წინ ცხოვრობდა. იატაკი მთელ სახლში ტირანოზავრი რექსის ძვლების ნაჭრებით არის დამზადებული, რომელიც ათობით მილიონი წლისაა.

2. ანტილია, მუმბაი, ინდოეთი – $1,000,000,000
მუკეშ ამბანის ქონება 27 სართულს და 9 ლიფტს მოიცავს. ფართობი 37 ათასი კვადრატული მეტრია, ხოლო თავად შენობა 173 მეტრია. ამ სახლის მშენებლობას 7 წელი დასჭირდა.


სახლში არის პარკინგი 168 მანქანისთვის, მანქანის სერვისი, სპა, კინო, ფიტნეს დარბაზი, იოგას სტუდია, საცურაო აუზები, სამეჯლისო დარბაზი, სასტუმრო ოთახები, სპეციალური ყინულის ოთახიც კი ხელოვნური თოვლით, რათა ოჯახი ადგილობრივ გაუსაძლის სიცხეს გადაარჩინოს.


სახლს სახელი ცნობილი მოჩვენებების კუნძულის, ანტილიის პატივსაცემად ეწოდა, რომელიც პორტუგალიელებმა ოდესღაც ატლანტის ოკეანეში თავიანთ რუკებზე აღნიშნეს. გარეგნულად, მილიარდერის ანტილია მართლაც საკმაოდ უჩვეულოა. მაგრამ კონსტრუქციულად, შენობას შეუძლია გაუძლოს რიხტერის სკალით 8-ბალიან მიწისძვრას.

3. ვილა ლეოპოლდი - 506 000 000 დოლარი

კოტ დ'აზურის მარგალიტი - ვილა, რომელიც ბელგიის მეფემ, ლეოპოლდ II-მ მისი საყვარლისთის, მოგვიანებით კი მეუღლისთვის ააშენა 1902 წელს, ოფიციალურად ისტორიული ძეგლია. მამულის მთავარი სახლის ფართობი 2,6 ათასი კვადრატული მეტრია. აქ არის 11 საძინებელი და 14 სველი წერტილი. სახლს ასევე აქვს სტუმრების საძინებლები, მისაღები ოთახები, ბოულინგის ხეივანი და კინოს ოთახი. მიმდებარე ტერიტორია 4 ჰექტარს უკავია. ვილის სასეირნო ტერასები ზღვისპირა ქალაქის სანაპიროს მოგაგონებთ, იმდენად დიდი და ფართოა.

ვილა ლეოპოლდას რამდენიმე მფლობელი ჰყავდა, ბოლო ედმონდ საფრა იყო. მისი წყალობით ქონება მთელ მსოფლიოში ყველაზე პოპულარული და ცნობილი გახდა, აქ ბევრი ცნობილი ფილმიც კია გადაღებული.

4. გრინ პალასი - 222 000 000 დოლარი

ქონება ბრიტანეთის დედაქალაქის ცენტრში მდებარეობს და ინდოელ ფოლადის მაგნატს ლაქშმი მიტალს ეკუთვნის, ერთ-ერთ უმდიდრეს ადამიანს მსოფლიოში. დაახლოებით 222 მილიონი დოლარის ღირებულების ქონების გარდა, ბიზნესმენი კიდევ რამდენიმე არანორმალურად ძვირად ღირებულ სახლს ფლობს იმავე ქუჩაზე, რომელსაც ადგილობრივები "მილიარდერთა ბულვარს" უწოდებენ.

5. ელისონის ქონება - 200 000 000 დოლარი

ქონების მფლობელი ლარი ელისონია, რომელიც ცნობილია უძრავი ქონების შეგროვებით. ეს სახლი 2004 წელს ააშენა იაპონურ სტილში. ტერიტორია მოიცავს თითქმის 10 ჰექტარ ფართობს, ამიტომ სავსებით ბუნებრივია, რომ იქ მშვიდად და კომფორტულად არის განთავსებული 10 საცხოვრებელი და სამეურნეო შენობა, ხელოვნური ტბა, ჩაის სახლი, აბაზანა და თევზის აუზი.

6. ფაირფიელდ ფონდ - 170 000 000 დოლარი

უზარმაზარი ქონება ჰემპტონში მოიცავს უზარმაზარ 25 ჰექტარს და ამ ვილის სახელწოდება დაკავშირებულია მიმდებარე აუზის სახელთან. ეს ვილა ყველაზე დიდ საცხოვრებელ კორპუსად ითვლება მსოფლიოში, სახლის ფართობი 10 ათასი კვადრატული მეტრია, ხოლო მთავარი შენობა მთლიანი ფართის 60%-ს შეადგენს. საინტერესო ფაქტებს შორის აღსანიშნავია, რომ ამ ქონებას აქვს 29 საძინებელი და 39 აბაზანა, 30 მ სიგრძის სასადილო ოთახი, ადგილზე არის ჩოგბურთის კორტი, საცურაო აუზი და ბოულინგის ხეივანი.

7. ჰერსტის ციხე - 165 000 000 დოლარი

ციხე კალიფორნიის წყნარი ოკეანის სანაპიროზე მდებარეობს. ამჟამად ის კალიფორნიის ეროვნული ისტორიული ღირსშესანიშნაობაა.
თავდაპირველად სენატორმა ჯორჯ ჰერსტმა შეიძინა 1865 წელს. მოგვიანებით, მისმა ვაჟმა, უილიამ რენდოლფ ჰერსტმა გადააკეთა ციხე და უნიკალური და ინდივიდუალური იერსახე მისცა, რამაც კალიფორნიის ამ ნაწილს მსოფლიო პოპულარობა მოუტანა.

მამულის გასაფორმებლად მთელი ევროპიდან ჩამოიტანეს სხვადასხვა ხელოვნების ნიმუშები.

ჰირსტის სტუმრები ხშირად იყვნენ მსოფლიო კინოს ცნობილი სახეები, პოლიტიკოსები და საზოგადო მოღვაწეები. ამ სახლში გადაიღეს რამდენიმე სცენა ფილმიდან "ნათლია" .


8. აარონ სპელინგის სახლი - 150 000 000 დოლარი
ამ სასახლის მფლობელი იყო აარონ სპელინგი, ცნობილი ამერიკელი პროდიუსერი, რომელიც ორჯერ მოხვდა გინესის რეკორდების წიგნში. სასახლე მდებარეობს ლოს-ანჯელესის ყველაზე პრესტიჟულ უბანში და მოიცავს 3390 კვადრატულ მეტრ ფართობს.

აქ არის თითქმის ყველაფერი, რისი წარმოდგენაც კი შეგიძლიათ - ცალკე ფრთა ცოლის გარდერობისთვის, ბოულინგის ხეივანი, სპორტული დარბაზი, კინოთეატრი, 8 ავტოფარეხი, ბარი, რამდენიმე სამზარეულო, კინოთეატრი, თუნდაც საჩუქრების ოთახი, 12 შადრევანი, ბაღი და მრავალი სხვა.
პარკინგი 100 მანქანას იტევს და ასევე არის 16 ღია ავტოსალონი.



9. ვილა აფდაუნ კორტ - $139,000,000
ეს სასახლე აღიარებულია, როგორც ყველაზე მდიდრული მსოფლიოში, ის უფრო დიდია, ვიდრე ბუკინგემის სასახლე, მისი ფართობია 3,7 ათასი კვ.მ. სახლში არის ასზე მეტი ოთახი, მათგან ნახევარს მოზაიკური იატაკი აქვს 24-კარატიანი ოქროს გამოყენებით.

არის კინოთეატრი, ბოულინგის ხეივანი, სკვოშ კორტები, რამდენიმე საცურაო აუზი, მარმარილოს მისასვლელი გზა, ვერტმფრენის მოედანი და ინტერიერის მდიდრული გადაწყვეტილებები. სასახლის მიმდებარე ტერიტორიის უმეტესი ნაწილი ტყეს და ბაღებს უკავია.


როგორც ხედავთ, მფლობელებს სურთ გამოირჩეოდნენ, აჩვენონ თავიანთი უნიკალურობა და სიმდიდრე. უმეტესწილად, ისინი ფრთხილები არიან არქიტექტურული სტილის მიმართ და უპირატესობას ანიჭებენ დადასტურებულ კლასიკას.