ბევრ დიასახლისს აინტერესებს, საჭიროა თუ არა ახლად შეძენლი ჯინსის გარეცხვა, საერთოდ, რამდენად ხშირად უნდა ირეცხებოდეს იგი და ბოლოს, როგორ უნდა გავრეცხოთ ჯინსი სწორად.

ყველამ კარგად ვიცით, რომ ახლად შეძენილი ნივთი, სანამ მას ჩავიცმევთ, აუცილებლად უნდა გაირეცხოს.

გამოკითხვის შედეგად დადგინდა, რომ ამ წესს არც ისე ბევრი ადამიანი იცავს.

გამოკითხულთა 73% ჯინსს 5-6 ხმარების შემდეგ რეცხავს, 16% კი - 7 და მეტი ხმარების შემდეგ ათავსებს ნივთს სარეცხის მანქანაში.

გაგიკვირდებათ და ისინი სწორად იქცევიან.

საქმე ის გახლავთ, რომ ჯინსის შარვლები და ამ ქსოვილის სხვა ტანსაცმელი არ მიეკუთვნება რეგულარულად გასარეცხი ნივთების სიას. ხშირი რეცხვა ჯინსს აფუჭებს, ნაჭერი ბევრად უხეში ხდება, ან პირიქით, ითელება, ფერი ეკარგება და კარგავს ელასტიურობას.

სპეციალისტები გვირჩევენ, რომ ახალი ჯინსი ყიდვიდან სულ მცირე ორი კვირის შემდეგ უნდა გაირეცხოს.

კი მაგრამ, ჯინსი ხომ ჭუჭყიანდება? ჩვენ გვაცვია შარვალი, დავდივართ ქუჩაში, ვმგზავრობთ ტარნსპორტით. აუცილებელი ხომ არ არის მაინცდამაინც ლაქები ჰქონდეს, მასზე უამრავი ბაქტერია იბუდებს.

ამ კითხვაზე პასუხი ძალიან მარტივია, არ აქვს მნიშვნელობა, ერთი დღე გვეცმევა ჯინსი თუ ორი კვირა, ორივე შემთხვევაში მასზე უამრავი ბაქტერია იქნება. მათი რაოდენობა ერთი დღის შემდეგაც და ორი კვირის შემდეგაც ფაქტობრივად იდენტური იქნება.

ამავდროულად ჯინსების მწარმოებლები პირდაპირ მოგვიწოდებენ, რომ არ გავრეცხოთ მათ მიერ წარმოებული პროდუქცია ხშირად, მხოლოდ 7 ხმარების შემდეგ. აბა, როგორ მოვიქცეთ?

1. ჩვენ შეგვიძლია ჭუჭყიანი ადგილები სველი ღრუბლით გავწმინდოთ.
2. დავამუშავოთ ორთქლით, რაც მას უსიამოვნო სუნს მოაშორებს.
3. რეცხვა გაყინვით ჩავანაცვლოთ: მოვათავსოთ ჯინსი პოლიეთილენის პაკეტში და მთელი ღამით საყინულეში შევდოთ. ასე ბაქტერიები და სუნი განადგურდება. ეს არანაკლებ ეფექტური მეთოდია, ვიდრე რეცხვა.
4. როგორ გავრეცხოთ სწორად.
5. ამოვაბრუნოთ ჯიბეები.
6. გარეცხეთ მხოლოდ 40 გრადუსზე, დელიკატური რეცხვის რეჟიმით.
7. წინასწარ არასდროს ჩაალბოთ.
8. არ გაწუროთ.
9. მუქი ფერის ჯინსის რეცხვის დროს სარეცხ საშუალებებს შეგიძლიათ დაუმატოთ ცოტა ძმარი, ასე მას გადახუნებისგან დაიცავთ.
10. გასაშრობად უმჯობესია ჰორიზონტალურად დადოთ ან ფეხებით დაკიდოთ.
11. თუ დაუთავება გინდათ, ამოაბრუნეთ და დააუთავეთ ნამიანი.