ერთი საათიც არ გასულა, რაც ყველაფერი დარეცხეთ და გაფინეთ, ჭუჭყიანი თეთრეული კი ისევ დაგროვდა. როცა საქმე ეხება ხელსახოცებს, სამზარეულოს პირსახოცებს ან მტვრის საწმენდ ჩვრებს, მათი ცალკე გარეცხვა გვეზარება და ტანსაცმელთან ერთად ვრეცხავთ.

თუმცა, როგორ ფიქრობთ, ამის გაკეთება სწორია? რა თქმა უნდა, არა.

მაშინ, როგორ უნდა მოიქცეთ?

დაყავით სარეცხი თეთრეული კატეგორიების მიხედვით: ცალკე გარეცხეთ ქსოვილი, რომელიც საკვებს ეხება. ჩვრებსა და პირსახოცებზე არსებული მილიონობით ბაქტერია შესაძლოა სარეცხ საშუალებებზე დარჩეს, რასაც სხვა ქსოვილების დაბინძურება შეუძლია.

სრულიად დაუშვებელია სამზარეულოს პირსახოცისა და სხვა ჩვრების გარეცხვა

საცვლებთან ერთად. ბინძურ თეთრეულზე საშუალოდ 100 მილიონი ნაწლავური ჩხირის ბაქტერია ცხოვრობს, რაც რეცხვის დროს წყალში ხვდება.

იმის დამოუკიდებლად, სამზარეულოს პირსახოცსა და ჩვრებს განცალკევებით თუ სხვა ნივთებთან ერთად სარეცხ მანქანაში ათავსებთ, ყოველთვის მაღალი ტემპერატურა აირჩიეთ, შემდეგ კი კარგად გააშრეთ და ცხელი უთოთი დააუთოვეთ.

როცა თბილი ან ცივი წყლით რეცხავთ, ბაქტერიების მხოლოდ 80% ნადგურდება, დანარჩენი კი რჩება.

გარდა ამისა, სამზარეულოს პირსახოცი ყოველთვის უნდა გაირეცხოს სრულფასოვნად და მაღალ ტემპერატურაზე. და არ აქვს მნიშვნელობა, თუ რა წერია ეტიკეტზე.

წყარო: www.goodhouse.ru