ნაღების კარაქი სასარგებლო და აუცილებელი საკვებია სრულფასოვანი მენიუსთვის. განსაკუთრებით სჭირდებათ ეს პროდუქტი პატარაებს. თუმცა ჩვენს ბაზარზე ნაღების კარაქზე მეტი რაოდენობით სპრედი იყიდება - პალმის ზეთისა და სხვა სახიფათო ცხიმების შემცველი პროდუქტი, რომელიც არათუ სასარგებლო, ძალიან მავნებელია ჩვენი ორგანიზმისთვის.
რა თქმა უნდა, ყიდვისას შეფუთვაზე დატანილ წარწერას უნდა დააკვირდეთ, მაგრამ ხშირად ეკონომიის მიზნით, კარაქი ასაწონ ულუფებად იყიდება, რომელსაც არასრული ეტიკეტი მოჰყვება. შესაძლოა სულაც მოჭრილი ჰქონდეს ის ნაწილი, სადაც ინფორმაციაა დატანილი. ამიტომ მათი გარჩევა კარგად უნდა შეგეძლოთ.
სახლის პირობებში ამის გაკეთება ადვილია: შედეთ საყინულეში კარაქი 10 წუთით. შემდეგ გამოიღეთ და ოთახის ტემპერატურაზე მოათავსეთ. თუ მასზე წყლის წვეთები გაჩნდა, ესე იგი  მცენარეული სპრედია, ნამდვილი ნაღების კარაქი წვეთებს არ იკეთებს.
საყინულეში 2-3 საათით მყოფი ნაღების კარაქი ძლიერად იყინება და ძალიან რთულად იჭრება, მცენარეული კარაქი კი საყინულეში დების შემდეგაც რბილია და ადვილად იჭრება.
არსებობს ცხელი წყლით შემოწმების ხერხიც, რომელიც შეგიძლიათ იხილოთ ვიდეოში