არც თუ ისე დიდი ხნის წინ ჩატარებულმა კვლევამ კიდევ ერთხელ დაადასტურა ის ფაქტი, რომ ჭურჭლის სარეცხი ღრუბელი კვირაში ერთხელ მაინც უნდა გამოიცვალოს. იმ შემთხვევაშიც კი, თუ გამოყენების შემდეგ მას ხშირად რეცხავთ სოდით, ძმირთა და სხვა საშუალებებით.

ამ პროცედურებს არ შეუძლია სრულად გაანადგურონ ის უამრავი ბაქტერია, რომლებიც ღრუბლის გამოყენების დროს მასზე რჩებიან. წმენდვის დროს ნადგურდება ბაქტერიების მხოლოდ 60%. მაგრამ ღრუბელი უფასო ხომ არ არის, როგორ შეიძლება თითქმის ახალი ღრუბლის გადაგდება?! მას ვერ იმეტებთ.

თუ ჭურჭლის სარეცხი ღრუბლის გადაგდებას თავს ვერაფრით აიძულებთ, მოაჭერით მას კუთხე და ჭურჭლის გასარეცხად აღარასდროს გამოიყენოთ. რატომ უნდა გააკეთოთ ეს? უბრალოდ იმისთვის, რომ არ აგერიოთ და ჭურჭლის გასარეცხად ისევ არ გამოიყენოთ.

მოჭრილ კუთხიანი ღრუბელი სახლში რჩება, მაგრამ მისით ჭურჭელს აღარ გარეცხავთ. მას სხვა მიზნით გამოიყენებთ.

ასეთი ღრუბლები ნიჟარის ქვეშ შეინახეთ და გამოიყენეთ ნაგვის ურნის, უნიტაზის, ბავშვის ეტლის ან ველოსიპედის ბინძური საბურავების, ჭუჭყიანი ფეხსაცმლის გასაწმენდად. ამ შემთხვევაში ღრუბლის გადაგდება აღარ დაგენანებათ, მან ხომ მოვალეობა 100%-ით შეასრულა.