ტანსაცმლის ყოველდღიური რეცხვა თქვენს ნივთებს დიდ ზიანს აყენებს. იშვიათად გარეცხვის შემთხვევაში კი სამოსზე ბაქტერიები ჩნდება, ძველი ლაქების ამოყვანა კი რთულია. სპეციალისტები გვირჩევენ, თუ რამდენად ხშირად უნდა ჩავრთოთ სარეცხი მანქანა.

1. ზეწრები: ერთ–ორ კვირაში ერთხელ
საქმე იმაშია, რომ ყოველ ღამით საწოლზე რჩება ბაქტერიები, ოფლი და ა.შ. ამიტომ თვეში ორჯერ აუცილებლად უნდა გაირეცხოს.

2. ბალიშები: 6 თვეში ერთხელ
წმენდა ბალიშსაც სჭირდება. ბევრი ბალიში სარეცხი მანქანაშიც ირეცხება, მაგრამ თუ ბალიშზე დაჭერის შემდეგ ის საწყის ფორმას არ უბრუნდება – დროა ახალი შეიძინოთ.

3. ლეიბის

საფარი: თვეში ერთ–ორჯერ
მასზე ზეწარივით ბევრი ჭუჭყი არ ხვდება, მაგრამ რეცხვა მაინც სჭირდება.

4. აბაზანის ხალიჩა: კვირაში ერთხელ
ის იმაზე მეტად ბინძურდება, ვიდრე გგონიათ. თუ ის ბამბისაა ან სინთეთიკურია, შეგიძლიათ პირსახოცებთან ერთად გარეცხოთ.

5. პირსახოცი – კვირაში ერთხელ
განსაკუთრებით მაშინ, თუ პირსახოცის საშრობზე აშრობთ. გარეცხეთ მაქსიმალურ ტემპერატურაზე, შეგიძლიათ დაუმატოთ დამარბილებელი გელი.

6. ბიუსჰალტერი – ყოველ 3–4 დღეში
სპორტული ბრა – ყოველი ვარჯიშის შემდეგ. ბიუსჰალტერი უნდა შეკრათ, გარეცხოთ დელიკატურზე და გააშროთ ბუნებრივად.

7. პიჟამა – ყოველი სამი ჩაცმის შემდეგ

8. სამოსი: ტოპები ყოველჯერზე, ქვედა ბოლოები და შარვლები – ყოველი მესამე ჩაცმის შემდეგ
უმჯობესია ფერებისა და ტიპის მიხედვით დაყოთ: თეთრები ცალკე, ფერადები ცალკე, ჯინსები ცალკე. სხვაგვარად ქსოვილი, შესაძლოა, ხახუნის შედეგად დაზიანდეს.

წყარო: goodhouse.ru