ნივთები, რომელთა გამო ინტერიერი სიმყუდროვეს კარგავს

ხშირად გვგონია, რომ ჩვენს საცხოვრებელში კომფორტისთვის საჭირო პირობები უკვე შექმნილი გვაქვს. საამისოდ ნაყიდია მოხერხებული ავეჯი, ფერებიც შეხამებულია, თუმცა თავს მყუდროდ მაინც ვერ ვგრძნობთ. მოდით ვნახოთ, რატომ.

არსებობს რამდენიმე დეტალი, რომელიც, შეიძლება ითქვას, სიმყუდროვეს ჭამს.
არ ღირს სახლში დიდი ხალიჩების დაგება, საკმარისია საშუალო ზომის დაბალბეწვიანი ხელიჩა, რომელიც მარტივად გაიწმინდება.
ასევე საგულისხმოა ის მომენტი, რომ კორიდორი სახლის ყველაზე ჭუჭყიანი ადგილია და აქ ღია ფერის შპალერის გაკვრას უბრალოდ არ გირჩევთ, ის აუცილებლად დაკარგავს პირვანდელ სახეს და ეს ძალიან მოკლე დროში მოხდება.
საკიდი ძალიან
მნიშვნელოვანია სახლისთვის, პირველი შთაბეჭდილება სწორედ აქედან იქმნება, ამიტომ სახლის შესასვლელი ყოველთვის მოწესრიგებული უნდა იყოს.

ასევე მნიშვნელოვანია, რომ სახლში იყოს ღია ფერის ჭაღი, რადგან მუქი ფერის ჭაღი სინათლეს კარგად ვერ გამოსცემს. მუქი ჭაღის არსებობის შემთხვევაში ოთახში კარგი განათება არასდროს არ იქნება.
ღია თაროები ის ელემენტია, რომელიც, მიუხედავად იმისა, რომ ძალიან ლამაზად და მოდურად გამოიყურება, არც ისე მოსახერხებელია. დავიწყოთ იმით, რომ მტვრის ბუდეა და თან, თუ სულ მოწესრიგებული არ არის, ქმნის ქაოსს და არა სიმყუდროვეს.

გავრცელებულია მოსაზრება იმასთან დაკავშირებით, რომ დიდი ზომის სარკე სივრცეს ვიზუალურად ადიდებს, თუმცა მოვლა სჭირდება, მით უმეტეს, თუ სახლში ბავშვები არინ, ამ შემთხვევაში სარკეზე ყოველთვის არის თითების ანაბეჭდები, რაც ინტერიერს სიმყუდროვეს უკარგავს.

კომენტარის დამატება

მსგავსი სიახლეები