განსაკუთრებით ბოლო პერიოდში მთელი სამყარო სტრესულ გარემოში რომ იმყოფება, საიდუმლო არავისთვისაა. განტვირთვისა და მოდუნების ერთ-ერთი ყველაზე ეფექტური და მარტივი საშუალება კი ბუნებასთან კავშირია. ამისთვის ბუნებაში გასვლა აუცილებელი სულაც არ არის, საკმარისია, რამდენიმე მცენარე სახლში იქონიოთ, თუმცა, დარწმუნებული უნდა იყოთ, რომ ესა თუ ის მცენარე ალერგიას არ იწვევს.

ანტიდეპრესანტ მცენარეთა რიცხვს განეკუთვნება მაგალითად პიტნა, ლავანდა.

ძალიან კარია სახლში იქონიოთ ბაზილიკი, ორეგანო, როზმარინი, ეს მცენარეები სიმშვიდესთან და სიწყნარესთან ასოცირდება. მათ ნამდვილად შესწევთ უნარი დაგეხმარონ სტრესთან გამკლავებაში.

ციტრუსის სუნი ადამიანს ბედნიერებისა და ზეიმის შეგრძნებას ანიჭებს, ლიმონი, მანდარინი, ფორთოხალი ძალიან კარგი ანტიდეპრესანტებია.
თუ ყვავილები უფრო მოგწონთ ვარდები, ქრიზანთემები და ჟასმინი ნამდვილად შეძლებს თქვენთვის ხასიათის გამოკეთებასაც და სიმშვიდის მონიჭებასაც.


ევკალიპტი კი, რომელიც თავისი ანტიბაქტერიული თვისებებით არის განთქმული, შრომისუნარიანობის ამაღლებაშიც კი დაგეხმარებათ.

მაგრამ მხოლოდ არომატს როდი შეუძლია ადამიანის დამშვიდება, მცენარეების, ყვავილების თავად შეგროვების და დაკრეფის პროცესია ძალიან მნიშვნელოვანი, ერთგვარი თერაპიაა.