საღებავი აბაზანის ინტერიერში კერამიკული ფილების შესანიშნავი ალტერნატივაა. მართალია, ის ისეთი გამძლე არ არის, როგორც ფილები, თუმცა შედარებით იაფი ჯდება და დაახლოებით ხუთი წელი, შესაძლოა მეტიც, გულიანად მოგემსახურებათ.

შევარჩიოთ საღებავი

კედლების შეღებვისას უმთავრესი პროცესია საღებავის შერჩევაა სწორედ საღებავზეა დამოკიდებული არა მარტო თქვენი კედლის ფერი, არამედ ის, თუ რამდენად პრაქტიკულად მოიხმართ მას.



აბაზანის შესაღებად გამოგადგებათ სამი ტიპის საღებავი: ლატექსის, სილიკონის და აკრილის. ლატექსისა და აკრილის საღებავები ერთმანეთისაგნ მცირედით განსხვავდება, ორივე ძალიან ადვილად ისმევა კედლეზე, მალე შრება და ძალიან პრაქტიკული მოსახმარია. ასეთი საღებავით შეღებილი კედელი კარგად სუნთქავს. სპეციალისტების თქმით, ეს საღებავები აბაზანისთვის საუკეთესოა.

პრიალა თუ დაბურული

როდესაც არჩევთ, როგორი ჯობს, პრიალა თუ დაბურული, გირჩევთ ყურადღება გაამახვილოთ არა მხოლოდ ვიზუალურ მხარეზე, არამედ პრაქტიკულობაზე. ყველამ ვიცით, რომ პრიალა ზედაპირი სივრცეს ვიზუალურად ზრდის, არც წყლის წვეთები ეტყობა ისე ძალიან, თუცა ასეთი საფარის ქვეშ კედლები იდეალურად სწორი უნდა იყოს. რაც შეეხება დაბურულ კედლებს, მის მოსამზადებალდ კედელი ასეთ საგულდაგულო მომზადებას არ საჭიროებს. ასევე დიზაინერები წარმატებით იყენებენ დაბურული საღებავისა და კერამიკული ფილების მიქსს, რაც თავისთავად ძალიან კარგად ერწყმის ერთმანეთს.





როგორ შევარჩიოთ საღებავის ფერი და დიზაინი
საბოლოოდ სპეციალისტები გვირჩევენ აბაზანის დიზაინის დროს საღებავის და ფილების კომბინაციას, მაგრამ თუ ეკონომიას აპირებთ და არჩევანს მხოლოდ საღებავზე აკეთებთ, გირჩევთ, მთელ აბაზანას ერთ ფერში ნუ გააკეთებთ, ასეთი დიზაინი საკმაოდ მოსაწყენია.