ოქროს შუალედი ყოველთვის და ყველგან ამართლებს. ასეა რემონტის შემთხვევაშიც. ბალანსის დაცვა ორ ცნებას შორის, როგორიცაა "შეიძლება ეკონომიის გაკეთება" და "ეს არაფრით გამოვა" ნამდვილი ხელოვნებაა, ამას ნიჭი სჭირდება. ამიტომ საჭიროდ ჩავთვალეთ ეს თემა გაგვეშალა და დასახმარებლად გამოცდილ სპეციალისტებს მივმართეთ, რომელთა ცოდნაც უშუალო, კონკრეტულ ფაქტებს ეფუძნება და ნამდვილად სანდოა.
მაშ ასე, რაზე შეიძლება ეკონომიის გაკეთება რემონტის დროს.

ჩაშენებული კარადები


ინტერიერის დაგეგმვის დროსვე შეგიძლიათ გაითვალისწინოთ სატანდარტული ჩაშენებული კარადების გაბარიტები, ასე თავიდან აიცილებთ ინდივიდუალური პოზიციების დამზადების აუცილებლობას, რაც საბოლოოდ საერთო ბიუჯეტის 30 პროცენტის დაზოგვაში დაგეხმარებათ.

სანტექნიკა

ყველაზე ცნობილ და პრემიალურ ბრენდსაც კი აქვს ბიუჯეტური ხაზი, ამ მოდელების ნახვა ძვირად ღირებულ სასტუმროებშიც არის შესაძლებელი, სადაც აუცილებელია მომხმარებელს აჩვენო უმაღლესი ხარისხი და თან ეს ყველაფერი საკმაოდ ეკონომიურად გააკეთო. ამ ხრიკის გამოყენება თავისუფლადაა შესაძლებელი საცხოვრებელ სახლშიც, ანუ ირჩევთ ხარისხიან სანტექნიკას გონივრულ ფასად.

დროებითი პოზიციები

საუბარია ისეთ ნივთებზე, რომელიც აუცილებლად შესაცვლელი გახდება, მაგალითად საბავშვო ავეჯი და საბავშვო ოთახის სხვა აღჭურვილობები. ასეთი ავეჯი, როგორც წესი, 5 წელიწადში შესაცვლელი იქნება.
ეცადეთ შეარჩიოთ ისეთი ავეჯი, რომელსაც შეცვლა არ დასჭირდება, იქნება სადა და ამავე დროს მოხერხებული ყველა ასაკისთვის.