სარემონტო სამუშაოების პროცესში ხშირად ჩნდება შეკითხვა - როგორ გავაფორმოთ კედლები? კედლების შეღებვა სჯობს თუ შპალერი?

სანამ სამუშაოს დაიწყებდეთ, აუცილებლად უნდა ჩამოყალიბდეთ რას გეგმავთ, კედლების შეღებვას არა ყველაზე ძვირად ღირებული, თუმცა მაღალი ხარისხის საღებავით თუ შპალერი გაკვრას? ორივე ვარიანტის განხილვის დროს დარწმუნდებით, რომ საგრძნობ სხვაობას ფასში ამ ორ ვარიანტს შორის ვერ ნახავთ. ბიუჯეტი თითქმის ერთი და იგივე იქნება.

კედლის შპალერის გასაკრავად მომზადება ბევრად სწრაფად ხდება, ვიდრე შესაღებად. თუ ქაღალდის გაკვრის დროს კედელზე არსებული მცირე დეფექტების შენიღბვა შესაძლებელია, შეღებვის დროს ეს შეუძლებელია, კედელი იდეალურად უნდა იყოს დამუშავებული.

ასევე დაემშვიდობეთ მითს შპალერის ეკოლოგიურობასთან დაკავშირებით. ისეთი შპალერი, რომელიც სუნთქავს და არის ეკოლოგიურად სუფთა, მოხმარების დროს ძალიან არაპრაქტიკულია. ასევე კარგადა დაფიქრდით იმაზე, თუ დაახლოებით
რამდენ ხანში შეძლებთ შპალერის შეცლას და გაიხსენეთ ის ფაქტი, რომ კედლის ხელახლა გადაღებვა ბევრად მარტივად ხდება.

მაგრამ ცალსახად შეგვიძლია გირჩიოთ, რომ თუ სათანადო გამოცდილება არ გაქვთ და თავად აპირებთ კედლების გაახლებას, რემონტის დროს ჯობს არჩევანი შპალერზე შეაჩეროთ და ყურადღება მიაქციოთ შპალერის სისქეს. თხელი შპალერი გარდა იმისა, რომ რთული გასაკრავია, ვერც კედლის დეფექტს ფარავს სათანადოდ.