სარემონტო სამუშაოების დასრულების შემდეგ ხშირად ფანჯრის ძველი ჩარჩო რჩება ხოლმე. როგორც წესი, მას უსარგებლო ნივთად აღვიქვამთ და ადგილს ნაგავსაყრელზე მივუჩენთ ხოლმე, თუმცა ზოგი მას ძალიან ორიგინალურად იყენებს. დიახ, ეს ერთი შეხედვით ნაგავი ნამდვილად შესაძლოა იქცეს ჭეშმარიტად უნიკალური ნივთების შექმნის ობიექტად.

ძველი ჩარჩოებისგან გაკეთებული სათბურები ახალი იდეა არ არის. ზოგი მძიმე მინას სუბუქი მასალით ცვლის და მხოლოდ ჩარჩოებს, ზოგი კი სათბურს მინებით აკეთებს. მსგავსი დიზაინი ნამდვილი აღმოჩენა იქნება ბაღის მოყვარულთათვის. რაც მთავარია, მოსავალი დაცული იქნება წვიმისა და ქარისგან, ზოგჯერ კი თოვლისგანაც, მაგალითად, ადრე გაზაფხულზე.


ძველი ჩარჩოების გამოყენების ყველაზე პოპულარული გზა მაგიდის შექმნაა. კიდევ ერთი უაღრესად სასარგებლო ნივთი როგორც სახლში, ასევე ბაღში. მის შესაქმნელად შეგიძლიათ გამოიყენოთ ერთი ჩარჩო ან რამდენიმე, თუმცა დაგჭირდებათ დამატებითი საყრდენი, რისთვისაც შეგიძლიათ გამოიყენოთ ლითონი ან სხვა მყარი მასალა მაგიდის ფეხებისთვის.


ჯობია ჩარჩოს ჯერ მინები მოაშოროთ, რომ გაკეთების დროს არ გაიბზაროს. რაც მეტი დანაყოფი იქნება ჩარჩოში, მით უფრო ლამაზი და საინტერესოა მაგიდა. თუ ერთდროულად აიღებთ ორ ჩარჩოს და დააკავშირებთ მათ, მართლაც უნიკალურ მაგიდას მიიღებთ.


ძველი ფანჯრები და ჩარჩოები ასევე შეიძლება გამოყენებულ იქნას ინტერიერის გასაფორმებლად. ჩარჩოსგან სარკის გაკეთება შესანიშნავი იდეაა ინტერიერში ხიბლისა და სიმყუდროვის შესატანად. საჭირო იქნება შუშის ამოღება და მის ნაცვლად სარკის ჩასმა. ფანჯრები ასევე უნდა იყოს შეღებილი იმ ფერში, რომელიც შეესაბამება ინტერიერს. თუ ჩარჩოში ბევრი დანაყოფია, მაშინ სარკე კედელზე საინტერესო დეტალად გადაიქცევა და კომპოზიციის ცენტრი გახდება. არ აქვს მნიშვნელობა სად განთავსდება ის, საძინებელში, მისაღებსა თუ აბაზანაში.


კიდევ ერთი ნათელი და კრეატიული იდეაა სურათების ჩარჩოს გაკეთება. ასეთი მშვენიერი დეკორატიული ელემენტი ნამდვილად არავის დატოვებს გულგრილს. აქ დაგჭირდებათ მხოლოდ ერთი ფანჯრის ჩარჩო, შეგიძლიათ გამოიყენოთ მაგნიტები ან სათამაშოებიც კი.

ასევე საღებავები და ფუნჯები.
ეს მეთოდი არამარტო დაგეხმარებათ შეინარჩუნოთ მნიშვნელოვანი მოგონებები, არამედ ყოველდღე აღფრთოვანდეთ მათით, რადგან ის ყოველთვის გამოჩნდება კედელზე და არა თაროზე განთავსებული ფოტო ალბომში.

გარდა ამისა, ეს არის ლამაზი და ელეგანტური დეკორატიული ელემენტი, სადაც ზედმეტი არაფერია. ფოტოები შეიძლება განლაგდეს ქაოტური თანმიმდევრობით ან თითოეულ მათგანს ჰქონდეს საკუთარი განყოფილება. ეს შეიძლება იყოს ერთი დიდი ფოტო ან რამდენიმე პატარა, ეს ყველაფერი დამოკიდებულია ჩარჩოს ზომაზე და მასში ტიხრების რაოდენობაზე.