არის შემთხვევები, როდესაც ძველი მაცივარი შესანიშნავად მუშაობს, თუმცა მისი ვიზუალური მხარე არ გვაკმაყოფილებს. სანამ ახალი მაცივრის ყიდვას გადაწყვეტდეთ, სცადეთ და შეუცვალეთ დიზაინი, შესაძლოა პრობლემა მარტივად და იაფად მოაგვაროთ. მაცივრის გასაახლებლად შესაძლოა დაგჭირდეთ საღებავი, წებოვანი ფირი ან ქაღალდი და სკოჩი.

სანამ გაახლების პროცესს შეუდგებოდეთ, უნდა გაითვალისწინოთ ორი რამ:

• რაც უფრო მუქი ფერის არის თქვენი სამზარეულო, მით ღია ფერი უნდა შეარჩიოთ მაცივრისთვის.
• რაც უფრო პატარაა სამზარეულო, მით პატარა ზომის ნახატი ან პრინტი დაგჭირდებათ. წინააღმდეგ შემთხვევაში თქვენი ისედაც შეზღუდული სივრცე კიდევ უფრო დაპატარავდება.

სანამ მაცივარზე საღებავს ან ქაღალდს დაიტანთ, მისი ზედაპირი კარგად უნდა გაწმინდოთ, გაასუფთაოთ.
თუ მაცივრის განსაახლებლად წებოვან ფირს ანიჭებთ უპირატესობას, ეცადეთ შეიძინოთ ისეთი, რომელიც შემდეგ ადვილად აძვრება ზედაპირს.

შეგიძლიათ გამოიყენოთ უბრალო, საჩუქრების  შესაფუთი ლენტი, მაგალითად, ოქროსფერი. ძალიან ლამაზი გამოდის.

საღებავთან დაკავშირებით ყველაფერი ისედაც გასაგებია, უბრალოდ, სასურველი და სწორი ფერი უნდა შეირჩეს და ზედაპირი მაქსიმალურად აკურატულად გადაიღებოს.

გაფორმების ხერხად შეგიძლიათ შეარჩიოთ ილუსტრაცია. წებოვან ფირზე საკუთარ ხელით შეგიძლიათ დახატოთ თქვენთვის საყვარელი ნივთი, საგანი. ფოტოზე კატის კუდზე ბაფთის ფუნქციას მაგნიტი ასრულებს.

ძალიან საინტერესოდ გამოიყურება რეტრო სტილის მაცივარი, ზოგ ინტერიერს ეს ძალიან უხდება.

სახლში, სადაც არიან ბავშვები, ალბათ მისასალმებელი იქნება ისეთი საღებავი, რომელზეც ცარცით ხატვა არის შესაძლებელი.

ეს კი გახლავთ მაცივარი, რომელიც იცინის. ამ შემთხვევაში გამოყენებული საღებავი და წებოვანი ფირი.

მსგავსი ორნამენტი ძალიან ექსტრავაგანტურად გამოიყურება, თუმცა შეგახსენებთ, რომ მისი ადგილი მცირეგაბარიტიან სამზარეულოში არ არის.

ეს ლასკუტებიანი მაცივარი კი მაგნიტზე გადაკრული ქსოვილით არის გალამაზებული და მართლაც რომ ძალიან ორიგინალურად გამოიყურება.


საგრძნობლად გადაასხვაფერებთ და გაახალისებთ სამზარეულოს იმ შემთხვევაშიც კი, მაცივრის მხოლოდ ერთი მხარეს თუ განაახლებთ.

ეს კი ძველებური დეკუპაჟია.

საინტერესო ორნამენტები ორ ფერში.