საახალწლოდ ყველა ოჯახი სამზადისშია, ყველა ცდილობს ნაძვის ხისთვის ახალი სათამაშოები შეიძინოს, თუმცა ყიდვა აუცილებელი სულაც არ არის, ამის გაკეთება საკუთარი ხელითაც შეგიძლიათ და შედეგად ძაილიან ლამაზ და ორიგინალურ სათამაშოებს მიიღებთ. ჩვენ კი, როგორც ყოველთვის, შევეცდებით საინტერესო და ორიგინალური იდეები შემოგთავაზოთ.
1. მაკარონის სათამაშოები
![](/images/2021/November/2021-11-28/იგრუ11.jpg)
ცოტა უცნაუად კი ჟღერს, თუმცა ნაძვის ხის სათამაშოების გაკეთება მაკარონისგანაც კი არის შესაძლებელი, საამისოდ მხოლოდ ცოტაოდენი ფანტაზია და მაკარონი დაგჭირდებათ.
2. ასანთის კოლოფი
![](/images/2021/November/2021-11-28/იგრუ2.jpg)
ნუ გადაყრით ასანთის ცარიელ კოლოფებს, შეფუთეთ ფერად ქაღალდებში და მიიღეთ საუცხოო ნივთები.
3. ბაფთა ზედმეტი არასდროს
![](/images/2021/November/2021-11-28/იგრუ3.jpg)
ბაფთა საახალწლოდ ყველაზე მარტივი, თუმცა ყველაზე ეფექტური საშუალებაა.
4. გირჩები
![](/images/2021/November/2021-11-28/იგრუ4.jpg)
გაისეირნეთ სკვერში, ბაღში და შეაგროვეთ გირჩები, გაალამაზეთ საკუთარი გემოვნებით და მიიღე ორიგინალური შედეგი.
5. შეკერილი სათამაშო
![](/images/2021/November/2021-11-28/იგრუ5.jpg)
მოსართავი სათამაშოს საკუთარი ხელით შეკერვაც არის შესაძლებელი და ძალიან მარტივად. გამოჭერით სასურველი ფიგურა, შეარჩიეთ სასურველი ქსოვილი, ფერი და შეუდექით საქმეს.
6. დეკორატიული ნათურა
![](/images/2021/November/2021-11-28/იგრუ6.jpg)
გადამწვარი ნათურა არ არის მიზეზი იმისა, რომ იგი აუცილებლად ურნაში გადააგდოთ. შეგიძლიათ შეღებოთ სხვადასხვა ფერებად, ბრჭყვიალა ან ჩვეულებრივი საღებავით და ძალიან ლამაზი სათამაშოები მიიღოთ.
7. მოიხმარეთ გასაბერი ბუშტი
![](/images/2021/November/2021-11-28/იგრუ7.jpg)
თოკითა და გასაბერი ჰუშტებითაც შეგიძლიათ საახალწლო განწყობის შექმნა. ეს რთული ნამდვილად არ არის, შედეგი კი მართლაც შთამბეჭდავია.
8. ფორთოხალი
![](/images/2021/November/2021-11-28/იგრუ8.jpg)
არომატული ფორთოხლის სათამაშოები გულგრილს არავის დატოვებს, საამისოდ უბრალოდ ფორთოხლის დაჭრა და ღუმელში გამოშრობა დაგჭირდებათ, განწყობა კი მართლაც ზღაპრული და საახალწლო შეიქმნება.
9. მარილიანი ორცხობილები
![](/images/2021/November/2021-11-28/იგრუ9.jpg)
ასეთი ორცხობილები ნებისმიერ ოჯახს გააბედნიერებს.
10. ჯინჯერის ორცხობილები
![](/images/2021/November/2021-11-28/იგრუ10.jpg)
ეს კი ყველასთვის საყვარელი ჯინჯერის ორცხობილებია, რომელიც გემრიელიც არის და ლამაზიც. სცადეთ, არ ინანებთ.