ახალი წელი მოდის, ყველა ოჯახი ემზადება ამ დღესასწაულისთვის. მთავარი ატრიბუტი კი, ყველამ ვიცით, რომ ნაძვის ხეა. თუ არ გაქვთ დიდი ნაძვის ხის ადგილი ან მისი შეძენის საშუალება, გთავაზობთ ალტერნატიულ ვარიანტს - შეგიძლიათ აქცენტი დეკორატიულ, პატარა ზომის ნაძვის ხეზე გააკეთოთ. გარწმუნებთ, ესეც ძალიან ეფექტური გადაწყვეტილებაა, მით უმეტეს, თუ ჩვენს რჩევებსაც გაითვალისწინებთ მის მორთვა-გაფორმებასთან დაკავშირებით.
ნაძვის ხე კალათაში
![](/images/2022/December/2022-12-22/kalata.gif)
შესანიშნავი იდეაა ნაძვის ხე მოწნულ კალათაში, რომელსაც მორთავთ სხვადასხვა ფერის ლენტებით ან სათამაშოებით. ქანთრის სტილი ძალიან მოუხდება თქვენს ინტერიერს.
![](/images/2022/December/2022-12-22/mwvane.gif)
თეთრ ინტერიერში მოთავსებული განათებული მწვანე ნაძვის ხე სრულფასოვანი ნაძვის ხესავით გამოიყურება და ძალიან ლამაზია.
ტკბილი ნაძვის ხე
![](/images/2022/December/2022-12-22/tk.gif)
ეს თეთრი ნაძვის ხე კი უბრალოდ ყვავილების ლარნაკშია მოთავსებული და გაფორმებულია კანფეტების ფერებში ან თუნდაც კანფეტებით. ნებისმიერი ბავშვის საოცნებო ნაძვის ხეა.
არაფერი ზედმეტი
![](/images/2022/December/2022-12-22/satli.gif)
ჩვეულებრივი ნაძვი უბრალო სათლში, სადა ვარიანტი და შესანიშნავი იდეაA აგარაკისთვის. არაფერი ზედმეტი, მხოლოდ ნაძვი.
სათამაშოების ნაცვლად ღია ბარათები
![](/images/2022/December/2022-12-22/foto.gif)
თუ მოსართავი ინვენტარის, სათამაშოების დეფიციტი გაქვთ გამოსავალი არსებობს - მორთეთ ნაძვის ხე ღია ბარათებით თუნდაც ოჯახური ფოტოებით, ეს ძალიან ორიგინალური და თბილი იდეაა.