ხანგრძლივი ზამთრის შემდეგ გაზაფხულის დადგომა მართლაც შვებაა. ამ დროს ადამიანებს განახლების განცდა აქვთ, ბუნებასთან ერთად თითქოს ადამიანიც ხელახლა იღვიძებს და ცოცხლდება. რასაკვირველია, გვინდა სახლებშიც იგრძნობოდეს საგაზაფხულო განწყობა და ეს სულაც არ არის რთული.

საკმარისია, თუნდაც ერთი პატარა დეტალი დაამატოთ ინტერიერს, დეკორის მცირე ელემენტები შეიტანოთ სივრცეში და სახლიც გაფერადდება და განათდება საგაზაფხულოდ. შეგიძლიათ, ფერადი ბალიშებით გაახალისოთ სივრცე, ან ახალი საგაზაფხულო ნახატით, ყვავილებით, ხელნაკეთი ნივთებით, ყველაფრით, რაც გაზაფხულს გაგონებთ და რაც თქვენს ინტერიერს მოუხდება. ჩვენს იდეებსაც გადაავლეთ თვალი და კიდევ უფრო მარტივად მიიღებთ გადაწყვეტილებას.