თანამედროვე სამყაროში ყველაფერი ძალიან სწრაფად იცვლება, თქვენ წარმოიდგინეთ, ნაძვის ხის დეკორიც კი. დიახ, ნაძვის ხეებიც სხვანაირია და მისი დეკორიც. თუ მოგბეზრდათ ერთი და იგივე, რაღაც ახალი და ორიგინალური გინდათ, გავეცნოთ მარტივ და თანამედროვე ვარიანტებს.

ოჯახური ფოტოები


ლამაზად გამოიყურებაოჯახური ფოტოებით მორთული სადღესასწაულო ნაძვის ხე. ასეთი ნაძვის ხე, თაობების ცხოვრების ამსახველი მთელი ალბომით, შეიძლება მთელი ოჯახისა და სტუმრების ყურადღების ცენტრში მოექცეს.
თუ თემატური დეკორის იდეა მოგწონთ, შეგიძლიათ გაიხსენოთ გასული წლის სასიამოვნო მომენტები, ტოტებზე მოგზაურობის ფოტოების, მატარებლისა და თვითმფრინავის ბილეთების, ბარგის ეტიკეტების, საგზაო რუკების და სხვა ყველაფრის ჩამოკიდებით, რაც მშვენიერ დასვენებას გახსენებთ.
სპეციალური სამაგრები დაგეხმარებათ უნიკალური დეკორაციების შექმნაში. შეგიძლიათ გამოიყენოთ ისინი ინდივიდუალურად ფოტოების ნებისმიერი თანმიმდევრობით დასალაგებლად, ან შეგიძლიათ ისინი ერთად შეკრათ გირლანდად თოკის გამოყენებით.



ჯანჯაფილის ორცხობილები
გიყვართ საჭმლის მომზადება? გთავაზობთ ახალი წლის ეკოლოგიურად სუფთა დეკორის იდეას. გამოაცხვეთ რამდენიმე ათეული ჯანჯაფილის ფიგურა (ეს შეიძლება იყოს ვარსკვლავები, სახლები, ადამიანები ან ხელთათმანები), მორთეთ ისინი თეთრი მინანქრით ან საღებავით და გამოიყენეთ დეკორად.




ფორთოხლის ნაჭრები


გამომშრალი ფორთოხლის ნაჭრები არა მხოლოდ ეკოლოგიურად სუფთა არჩევანია, არამედ თქვენი ნაძვის ხისთვის თბილი და პიკანტური არომატის წყაროც. ფორთოხლის ნაჭრებისგან დამზადებული გირლანდები ნაძვის ხეს განსაკუთრებულ შტრიხს შესძენს, ხოლო მათი დამოუკიდებლად დამზადება სახალისო აქტივობა იქნება, რომელიც მთელ ოჯახს გააერთიანებს.

ბაფთები
აირჩიეთ ერთი ან რამდენიმე ფერის ბაფთები, უბრალო თეთრი ბაფთებიც კი ლამაზად ბრწყინავს მწვანე წიწვების ფონზე.