რაც არ უნდა იყოს, ფერი დიდ როლს თამაშობს არა მხოლოდ ტანსაცმლის ან კოსმეტიკის არჩევის, არამედ ინტერიერის გაფორმების დროსაც. არც შემოსასვლელია გამონაკლისი, ამ ადგილს ხომ ძალიან დიდი მნიშვნელობა აქვს ნებისმიერ სახლში. მოდით ვნახოთ, როგორ შეიძლება შევცვალოთ შემოსასვლელი ფერების დახმარებით.

როგორ უკვე აღვნიშნეთ, ფერი მნიშვნელოვან როლს ასრულებს ინტერიერის დიზაინში, რითაც საკმაოდ ძლიერ გავლენას ახდენს მთლიანად ოთახის განწყობაზე, განცდაზე, ქცევასა და ატმოსფეროზე. მაგალითად, ლურჯი ხშირად ასოცირდება სიმშვიდესთან, წითელი - ენერგიასთან, ვნებასთან და აგრესიასთან. მაშინ როცა თეთრს შეუძლია არა მხოლოდ განწყობის ამაღლება და სიმშვიდის მონიჭება, არამედ დეპრესის გამოწვევაც.

ამიტომ, ინტერიერის დიზაინში ფერების სწორად/არასწორად გამოყენება ქმნის განსაკუთრებულ ატმოსფეროს, იწვევს ადამიანებში გარკვეულ ემოციებსა და შეგრძნებებს უარყოფითიდან პოზიტიურამდე. ფერი შესაძლოა წარმოდგენილი იყოს აქცენტის სახით, ხაზს უსვამდეს გარკვეულ დეტალს ან ფრაგმენტს, რითაც მოერგება სივრცის საერთო ესთეტიკას.

ფსიქოლოგიაში ყვითელი ფერი ხშირად ასოცირდება ბედნიერებასთან, სითბოსთან და პოზიტიურობასთან. ეს ფერი არა მხოლოდ ამაღლებს განწყობას, არამედ ასტიმულირებს ტვინის ინტელექტუალურ ნაწილს, რაც იწვევს ანალიტიკური და ინტერპრეტაციული აზროვნების განვითარებას. გარდა ამისა, ყვითელი აუმჯობესებს ნივთიერებათა ცვლას და საჭმლის მონელებას, ასევე დადებითად მოქმედებს საერთო კეთილდღეობაზე, ზრდის პროდუქტიულობას და კონცენტრაციას.

გასაკვირი არ არის, რომ ის შესანიშნავია შემოსასვლელისთვის, რადგან ეს ხელს უწყობს თბილი და მიმზიდველი ატმოსფეროს შექმნას. კაშკაშა ყვითელი სივრცეს უფრო ღიას და ჰაეროვანს ხდის, მატებს ვიზუალურ ინტერესს. საერთო ჯამში, ყვითელი ფერის გამოყენება დერეფანში დადებით და ამაღელვებელ ატმოსფეროს ქმნის.

ყველაზე ეფექტურია ყვითელი და მისი ყველა ელფერის გამოყენება თეთრისა და ნეიტრალური ტონების გვერდით. ამ გზით სივრცე არ გადაიტვირთება. ყვითელის გამოყენება შეიძლება კედლებზე, კარებზე ან დეკორად, აქცენტად.

ნარინჯისფერი და მისი ელფერები ხშირად ასოცირდება თავდაჯერებულობასთან და შინაგან ძალასთან. ეს არის თბილი, ნათელი ფერი, რომელიც ხშირად განიხილება როგორც ენერგიისა და ძალაუფლების სიმბოლო. ითვლება, რომ ის ზრდის ფიზიკურ აქტივობას, იწვევს ენთუზიაზმს და ასტიმულირებს გონებრივ აქტივობას. გარდა ამისა, ნარინჯისფერი ასევე ითვლება ბედნიერების, ოპტიმიზმისა და წარმატების ფერად. შესაბამისად, ეს ყველაფერი ზრდის თავდაჯერებულობას და შინაგან ძალას.

როდესაც საქმე ეხება თქვენს ინტერიერში ამ ფერის გამოყენებას, მნიშვნელოვანია გავითვალისწინოთ მისი სიღრმე და მრავალფეროვნება. ნარინჯისფერის ღრმა ჩრდილებს შეუძლია შექმნას თბილი და მყუდრო ატმოსფერო, ხოლო უფრო ღია ჩრდილები სივრცეს სიმსუბუქითა და ჰაეროვნებით ავსებს.

ნარინჯისფერი კარგად უხდება თეთრს და ნაცრისფერს, ყავისფერს ან მწვანეს.
დერეფანში ნარინჯისფერის გამოყენების ერთ-ერთი გზაა კედლების თბილი ელფერით შეღებვა. ეს მყუდრო ატმოსფეროს შექმნის, შემოიტანს ნათელ ფერებსა და სიღრმეს სივრცეში. ამ ფერის დასაბალანსებლად თეთრი ან კრემისფერი გამოიყენეთ.

მწვანე ნეიტრალურ ფერად ითვლება, რომელიც დამამშვიდებელ გავლენას ახდენს ჩვენს ფსიქიკაზე. ის ასოცირდება ბუნებასთან, ზრდასთან და განახლებასთან, ასევე იწვევს საოცარ სიმშვიდის განცდას. მწვანე და მისი ყველა ელფერი ამცირებს სტრესს და შფოთვას, ასევე ამცირებს არტერიულ წნევას. გარდა ამისა, მწვანე დადებითად მოქმედებს ჩვენს აზრებსა და ფსიქიკურ მდგომარეობაზე. კვლევებმა აჩვენა, რომ ეს ფერი ზრდის კონცენტრაციის უნარს, კრეატიულობას და პროდუქტიულობას. ამიტომ, თუ გსურთ მიაღწიოთ ჰარმონიას ყველაფერში, გამოიყენეთ მწვანე დერეფნის გარდაქმნისთვის. კედლები შეიძლება მოხატული იყოს რბილი, დელიკატური მწვანე ელფერით, რომელიც კარგად უხდება თეთრ დეკორს.

ვარდისფერ ფერს დადებითი და დამამშვიდებელი ეფექტი აქვს, რადგან ის ხშირად ასოცირდება ქალურობასთან, სიყვარულთან, რომანტიკასთან და სინაზესთან. კვლევამ ასევე აჩვენა, რომ ვარდისფერი ფერის გამოყენება ამცირებს სტრესს და ხელს უწყობს რელაქსაციას, ასევე ზრდის შემოქმედებითობას და მგრძნობელობას. მეორეს მხრივ, ვარდისფერი ფერის გადაჭარბებულმა გამოყენებამ ასევე შეიძლება გამოიწვიოს პასიურობის გრძნობა და დეპრესიაც კი.

თუ გნებავთ მსუბუქი, ჰაეროვანი სივრცე, შეღებეთ თქვენი დერეფნის კედლები ნაზი ვარდისფერით და გამოიყეეთ თეთრი დეკორი. ვარდისფერი ხალისიანი და ამაღელვებელი ფერია, ამიტომ მისი გამოყენება დერეფანში პოზიტიური ატმოსფეროს შექმნის.