ახალი წელი, თამამად შეიძლება ითქვას, რომ კარს მოგვადგა. ადამიანები აქტიურად ემზადებიან, ზოგი სათამაშოებს ახარისხებს, ნაძვის ხეს აწყობს, ამზადებს დეკორაციებს, რათა სახლი რაც შეიძლება ლამაზად გააფორმოს და მაქსიმალურად შეიგრძნოს სადღესასწაულო განწყობა. ჩვენც ვეცდებით არც ამჯერად დავაღალატოთ ჩვენი მკითხველი და გიამბობთ, როგორ შექმნათ საახალწლო ატმოსფერო სახლში და აავსოთ თქვენი ბინა ჯადოსნური, სადღესასწაულო მაგიით.

თუ თვლით, რომ ნაძვის ხის დადგმა ნაადრევია, მაშინ გთავაზობთ ნაძვის ტოტების, კენკრის, ბამბის და სხვა კომპოზიციის შექმნის იდეებს, რომელიც ასოცირდება ზამთართან და მომავალ დღესასწაულებთან. კლასიკური ვარიანტია ნაძვის ტოტების თაიგული, მისი დამაგრება წითელი, თეთრი, ვერცხლისფერი, ლურჯი ან ნებისმიერი სხვა ფერის ლამაზი ატლასის ლენტებით, რომელიც ასოცირდება ზამთართან. მოათავსეთ ის ყავის ან სასადილო მაგიდის ცენტრში. მნიშვნელოვანია, რომ შერჩეული ფერები ჰარმონიულად მოერგოს თქვენს ინტერიერს და სხვა დეტალებს.
კარგი ვარიანტია ასევე პატარა ნაძვის ხე ქოთანში, რომელიც შეიძლება მოათავსოთ სამუშაო მაგიდაზე ან საწოლის მაგიდაზე, გვერწმუნეთ აქაც შესანიშნავად გამოიყურება. სხვათა შორის, პატარა ნაძვის ხის ვარიანტი აქტუალურია მათთვის, ვინც რაიმე მიზეზით ვერ ახერხებს სრულფასოვანი ნაძვის ხის დადგმას.

რა თქმა უნდა, პროექტორის ყიდვა სპეციალურად ბინაში სადღესასწაულო ატმოსფეროს შესაქმნელად არ არის ძალიან ბიუჯეტური იდეა (თუმცა ბაზარი გთავაზობთ ბევრ ვარიანტს, მათ შორის იაფს). მაგრამ თუ მოწყობილობა გაქვთ, რომელიც იმტვერება სადღაც კარადაში ან იშვიათად იყენებთ მას, ახლა დროა გამოიღოთ. ჩამოაფარეთ ოთახში ფარდები, აანთეთ სურნელოვანი სანთლები, იპოვნეთ ტელეფონში ბუხარში შეშის ტკაცუნის ხმა და ჩართეთ საახალწლო ფილმი. იმ წამსვე გაჩნდება კომფორტისა და მაგიის განცდა.

რატომღაც, ბევრი არ აფასებს სანთლებს და თვლის მათ მხოლოდ მტვრის ბუდედ დეკორატიულ ლარნაკებთან, ფიგურებთან და რბილ სათამაშოებთან ერთად, თუმცა, ეს საბოლოო ელემენტია, რომელიც აერთიანებს მთელ საახალწლო კომპოზიციას. დარიჩინის ან ნაძვის ტოტების სურნელით ბინაში მაშინვე შეგიქმნით საახალწლო განწყობას.

თანამედროვე მაღაზიების ასორტიმენტში შეგიძლიათ იპოვოთ დიდი რაოდენობით სხვადასხვა სანთლები, რომლებიც განსხვავდება ზომით, ფერით, ფორმით და არომატით. საერთოდ არ არის აუცილებელი კლასიკური ცვილის პროდუქტების გამოყენება - შეგიძლიათ უპირატესობა მიანიჭოთ მაღალხარისხიან იმიტაციებს, რომელთა განთავსებაც არ იქნება საშიში ნაძვის ხის ქვეშ ან ხალიჩაზე.
იმისათვის, რომ კომპოზიცია ესთეტიურად სასიამოვნო გამოიყურებოდეს, შეგიძლიათ დაუყოვნებლივ შეიძინოთ სანთლები ლამაზ გამჭვირვალე ჭიქებში, ჩაალაგოთ ისინი ელეგანტურ სასანთლეებში და გამოიყენოთ დეკორაციისთვის. ისე, ინტერიერის განახლებისა და ახალი სეზონისთვის მოსამზადებლად ყველაზე მარტივი გზა ტექსტილის შეცვლაა. ჩამოკიდეთ შესაფერისი ფერის ახალი ფარდები, "შეცვალეთ" დივნის ბალიშები ფიფქებიანი ან ნაძვის ხეებით გაფორმებული ბალიშებით, გადააფარეთ საწოლს ნაქსოვი გადასაფარებელი, ტექსტილი შეიძლება იყოს სადა, ზამთრისა და ახალი წლის ფერებში, ან სადღესასწაულო პრინტით.

რა თქმა უნდა, თქვენ არ უნდა შეცვალოთ აბსოლუტურად ყველაფერი, ეს ძალიან ბევრი იქნება, მაგრამ შეგიძლიათ და უნდა გააახლოთ რამდენიმე დეტალი განწყობის შესაქმნელად. სუფრა ან ხელსახოცები ასევე შესანიშნავად დაგეხმარებათ ამაში.
როდესაც გვსურს სახლში საახალწლო ატმოსფეროს შექმნა, პირველი რაც გვახსენდება, გირლანდია. როგორც კი აანთებთ ჯადოსნურ შუქებს, განწყობა მაშინვე სადღესასწაულო ხდება. თუმცა, არ უნდა შემოიფარგლოთ მისი სტანდარტული მდებარეობით ფანჯარაზე. შეგიძლიათ შეიძინოთ ბატარეაზე მომუშავე პატარა გირლანდები და მოათავსოთ ისინი მაღალ ლარნაკში, ან გააკეთოთ კარის გვირგვინი ფიჭვის გირჩებისგან და განათოთ იგი შუქებით. თუ მოგწონთ პირველი ვარიანტი, შეავსეთ გირლანდი ლარნაკში სხვა ელემენტებით: ფიჭვის გირჩები, ნაძვის ხის დეკორაციები, ხელოვნური თოვლი.
ბოლო პერიოდში რეტრო თემა წარმოუდგენლად დიდი აქტუალობით სარგებლობს, განსაკუთრებით მაშინ, როდესაც საქმე ახალ წელს ეხება. ამ თემით სასაჩუქრე ჩანთები, ბარათები და ნაძვის ხის დეკორაციები მაშინვე გამოჩნდება მაღაზიის ასორტიმენტში. მაშ, რატომ არ აუნდა დაუჭიროთ მხარი ტენდენციას და არ უნდა დაამატოთ ცოტა რეტრო თქვენს ინტერიერს? გირლანდები იდეალურია ამ მიზნისთვის. მით უმეტეს, რომ შეგიძლიათ მარტივად გააკეთოთ ასეთი დეკორი საკუთარი ხელით.

კერძები ხელს შეუწყობს გარდაუვალი არდადეგების განცდის შექმნას. დროა გამოიღოთ ბებიის ნაჩუქარი ბროლი, რომელიც მთელი წელი გვიდევს ვიტრინაში და ელოდება გამომზეურებას. გამოიყენეთ სუფრის გასაშლელად. ჭიქები, ფიალები, ტკბილეულის ფიალები, ჩაის ჭიქები - ეს ყველაფერი წარმოუდგენლად უხდება ზამთარს, ახალ წელს, მოგაგონებთ ზღაპრებს, წარსულს, ბროლის მინის ჭურჭლით დღესასწაულს ძალიან სწრაფად შეგაგრძნობინებთ. მისი სილამაზე და ბზინვარება ნამდვილად აკთებს თავის საქმეს.
შეგიძლიათ გამოიყენოთ ასევე წითელი და ლურჯი თანამედროვე ჭურჭელი, თემატური თეფშები და ჭიქები საახალწლო პრინტით. შესანიშნავი ვარიანტია სახლში გქონდეთ სეზონური კომპლექტები, რათა ნებისმიერ დროს შეგიქმნათ შესაბამისი განწყობა და ატმოსფერო თქვენს ბინაში. გარდა ამისა, ეს შესანიშნავი საშუალებაა პროდუქციის შენახვის ვადის გასაგრძელებლად, რადგან მათ წელიწადში მხოლოდ ერთი სეზონი გამოიყენებთ.

ბინაში გამეფებულ არომატს იშვიათად ვაქცევთ ყურადღებას და ამაოდ, რადგან ეს არის სახლის ატმოსფეროს ერთ-ერთი მთავარი კომპონენტი. თუ არ არის ცოცხალი ნაძვის ხე, ღუმელში ფუნთუშები და მაგიდაზე მანდარინი, მაშინ გირჩევთ გამოიყენოთ სხვადასხვა დიფუზორი. ზოგიერთი მწარმოებელი დღესასწაულების წინა დღეს სპეციალურად უშვებს საახალწლო სურნელებს: ჯანჯაფილს, გლინტვეინს, ნაძვის სურნელს და ა.შ.

კიდევ ერთი ვარიანტია იყიდოთ არომატული სპრეი სხეულისთვის, მაგრამ გამოიყენეთ იგი ფარდებზე, ხელოვნურ მცენარეებზე, თეთრეულზე, ხალიჩებზე, ხმელ ყვავილებზე - საგნებზე, რომლებიც კარგად ინახავს სუნს. და არ დაგავიწყდეთ სადღესასწაულო ფლეილისტის შექმნა - მუსიკა მოგცემთ მომავალი ახალი წლის განცდას, განსაკუთრებით, თუ ვინილის ფლეერზე დაუკრავთ.