იმისათვის, რომ კარგად, სარფიანად გააქირავოთ ბინა, უპირველეს ყოვლისა თავი პოტენციურ მოიჯარედ უნდა წარმოიდგინოთ და დაუსვათ საკუთარ თავს კითხვა: "როგორი ბინა მომეწონებოდა?"
მოდით, ერთად გავარკვიოთ, როგორ შვცვალოთ ინტერიერი გენერალური რემონტის გარეშე, რათა ინტერიერი უფრო საინტერესო გახდეს პოტენციური მოიჯარეებისთვის. ეს რჩევები მათაც გამოადგებათ, ვინც გაქირავებას სულაც არ აპირებს, თუმცა გამქირავებლისთვის უფრო მნიშვნელოვანია, რომ მისი ბინა სხვებსაც მოეწონოთ.

ფუფუნება იწყება სისუფთავით

სისუფთავე ერთ-ერთი მთავარი ფაქტორია, რომელიც მყისიერად ზრდის ბინის მიმზიდველობას და, პირიქით, ჭუჭყს და არეულობას შეუძლია ხაზი გადაუსვას ყველა სხვა ქმედებას, რაც გაგიწევიათ ბინის გასაქირავებლად.
სანამ ბინას მოიჯარეს აჩვენებთ, საფუძვლიანად დაალაგეთ, იზრუნეთ სასიამოვნო სურნელზე ბინაში, გამოიყენეთ ოთახისთვის არომატის დიფუზორი ან დეზოდორანტი, სასიამოვნო, შეუმჩნეველი არომატი, რომელიც მოგესალმებათ პირდაპირ კარიდან და ოჯახურ გარემოში გაგრძნობინებთ თავს.

განათება გადამწყვეტია
ბინის გაქირავებისას მნიშვნელოვანი ასპექტია სათანადო განათება - ის დიდწილად პასუხისმგებელია ატმოსფეროს შექმნაზე.
ელეგანტური ნათურები, იატაკის სანათები და ბრები შეიძლება გახდეს ცენტრალური დეკორატიული ელემენტები, რომელიც განსაზღვრავს ბინის საერთო ესთეტიკას. აირჩიეთ ელეგანტური ნათურები თბილი, მაგრამ ნათელი შუქით. ასეთი განათება ამშვიდებს სივრცეს, უფრო ჰარმონიულს ხდის მას.
სამზარეულოში განათების დამატება არის ერთ-ერთი ყველაზე ეფექტური გზა თქვენი სახლის ამ მნიშვნელოვანი სივრცის ფუნქციონალურობისა და ვიზუალური მიმზიდველობის გასაზრდელად. ეს შეიძლება იყოს LED ზოლები კარადების ქვეშ და ნათურები სამუშაო ზონაში.

შეარჩიეთ თანამედროვე, ლაკონური გადაწყვეტილებები ბუნებრივი მასალების გამოყენებით, როგორიცაა ხე და ლითონი - ისინი ინტერიერს უფრო ელეგანტურს ხდიან.

ავეჯი გააზრებული ფუნქციონირებით

მრავალფუნქციური ავეჯის გამოყენება იძლევა მოქნილ გადაწყვეტილებებს სივრცის ორგანიზებისთვის და ხელს უწყობს საცხოვრებელი ფართის ოპტიმიზაციას. მაგალითად, პრაქტიკულმა დასაკეცი დივნებმა და საწოლებმა შესანახი ადგილით შეიძლება გახადოთ თქვენი სახლი უფრო ფართო და კომფორტული.

თაროების სწორად გამოყენება ასევე ხელს შეუწყობს სივრცის ორგანიზების მნიშვნელოვნად გამარტივებას, რაც ასევე მოსახერხებელია ოთახის  ზონირებისთვის.

ტექსტილი და დეკორი ქმნის განწყობას

ინტერიერის განახლების ერთ-ერთი ყველაზე ხელმისაწვდომი სტრატეგია არის ტექსტილისა და დეკორის განახლება. ეს მნიშვნელოვნად აუმჯობესებს სახლის საერთო შთაბეჭდილებას.
შეცვალეთ ფარდები მსუბუქი და ბუნებრივი ქსოვილებისგან დამზადებული თანამედროვე მოდელებით. დაამატეთ ბალიშები და განაახლეთ თქვენი საწოლები და ფარდაგები. შეარჩიეთ სხვადასხვა ტექსტურის და ფორმის ბალიშები, რათა სივრცე უფრო საინტერესო და დინამიური გახადოთ.
არ დაგავიწყდეთ, რომ ნეიტრალური ჩრდილები ქმნის სიმშვიდის განცდას, ხოლო ნათელი აქცენტები მატებს ინდივიდუალიზმს.

აბაზანა სისუფთავისა და მინიმალიზმის აქცენტით
თუ აბაზანაში არ არის აუცილებელი სანტექნიკის შეცვლა, შეგიძლიათ შეცვალოთ მხოლოდ ცალკეული ნაწილები, რაც დიდ განსხვავებას ქმნის. მაგალითად, შხაპის ახალი ფარდა აუცილებლად გაახალისებს იერს, ისევე როგორც აბაზანის ხალიჩები. აირჩიეთ რბილი და ელეგანტური ვარიანტი, რომელიც ჰარმონიზდება საერთო ინტერიერთან.

დაამაგრეთ პირსახოცების დამჭერები და თაროები ნიჟარის მიმდებარე ადგილის გასათავისუფლებლად და წესრიგის შესაქმნელად. იმავე სტილში აქსესუარების არჩევა ხელს შეუწყობს ჰარმონიული და ესთეტიურად სასიამოვნო სივრცის შექმნას.

აბაზანის ორგანიზატორები გეხმარებათ სივრცის ეფექტურად გამოყენებაში და ნივთების მოწესრიგებაში. უმჯობესია გამოიყენოთ კერამიკის ან ლითონისგან დამზადებული ვარიანტები და უმჯობესია უარი თქვათ პლასტმასზე, მისი გამოყენება ამცირებს ინტერიერის ღირებულებას.

სამზარეულო

სამზარეულო რომ ნებისმიერი სახლის გულია, ყველამ კარგად ვიცით. მიტომაც ზალიან მნიშვნელოვანია რომ სახლის ეს მონაკვეთი იყოს ზედმიწევნით მოწესრიგებული და თუ ამის საშუალება არის, აღჭურვილი თანამედრვე ტექნიკითა და ინვენტარით.