საძინებლის კედლების ფერი დიდწილად განსაზღვრავს ძილის ხარისხს და ოთახის საერთო განწყობას. ზოგიერთი დიზაინერი უპირატესობას ანიჭებს ტრადიციულ ღია ფერებს, ზოგი კი - ექსპერიმენტებს მუქ და პასტელის ფერებში. ატარებს. მოვისმინოთ პროფესიონალთა მოსაზრება იმის შესახებ, თუ რა ფერები ავირჩიოთ საძინებლის კედლებისთვის და როგორ გამოვიყენოთ ისინი სწორად.

საძინებელში ყველაზე პოპულარული ფერი რძისფერი ან თეთრია. ბევრი ადამიანი სიფრთხილით ირჩევს ღია ფერის კედლებს და ურჩევნია ფერის დამატება აქსესუარების საშუალებით. თეთრი ვიზუალურად აფართოებს სივრცეს და ნათელს ხდის ოთახს, რაც განსაკუთრებით მნიშვნელოვანია ზამთარში.
ცისფერი შესანიშნავია საძინებლებისთვის. ლურჯი ამშვიდებს და ქმნის სტაბილურობის განცდას, მოწმენდილ ცას მოგაგონებთ. ზამთრის ცივ და ბნელ დღეებში მისი გრილი ჩრდილები კარგად ასახავს სინათლეს და ჰარმონიულად აკავშირებს ინტერიერს ფანჯრიდან ხედთან.

მუქი, ღრმა ჩრდილები უკეთესად შეეფერება საძინებლებს მკაცრ კლიმატში. ქვეცნობიერის დონეზე ისინი ქმნიან მყუდრო თავშესაფრის განცდას, რაც გეხმარებათ უფრო სწრაფად დაიძინოთ და უკეთ დაისვენოთ. მოღრუბლულ დღეებში კი, მდიდარი ფერები ინტერიერს ფერს მატებს.
ხშირად გამოიყენება ლურჯი და მწვანე ფერის ღრმა ტონალობები, განსაკუთრებით ეფექტურია არა საღებავი, არამედ დეკორატიული თაბაშირი ხავერდის ეფექტით. ის დიდხანს ძლებს ცვილის დამცავი ფენის წყალობით და ქმნის ვიზუალურ და ტაქტილურ კომფორტს.

საძინებლების გაფორმებისას ძირითადად ორი განსხვავებული მიდგომით ვმუშაობენ დიზაინერები. პირველი არის ნეიტრალური ჩრდილები, რომლებიც ქმნიან მშვიდ ატმოსფეროს. ეს არის კლასიკა, რომელსაც მომხმარებლებიც ხშირად ირჩევენ. იმისათვის, რომ ინტერიერი მოსაწყენი არ ჩანდეს, დიზაინერები ამატებენ სხვადასხვა ტექსტურას, მასალებს და აქცენტებს ტექსტილსა და განათებაში.

მეორე მიდგომა არის მუქი კედლები. ეს გაბედული გადაწყვეტილებაა. როგორც უკვე აღვნიშნეთ, მუქი ფერი ქმნის მყუდრო სივრცეს, სადაც თავს დაცულად და მშვიდად იგრძნობთ. არ შეგეშინდეთ ღრმა ტონალობების, მით უმეტეს, თუ მათ ჭერზე გააგრძელებთ, ასე ოთახი ძვირფას ყუთს დაემსგავსება. ასეთ ინტერიერში უმჯობესია აირჩიოთ მარტივი ავეჯი – ლაკონური ფორმებიც კი შთამბეჭდავად გამოიყურება მუქ ფონზე.

ნუ შეუშინდებით სიახლეებს, გამოიყენეთ უჩვეულო ფერებიც, მათ შორის საძინებელში. მთავარია მშვიდი, მოცულობითი ატმოსფეროს შექმნა. შეგიძლიათ გამოიყენოთ ტექსტურირებული ფონი ფრთხილი პრინტით, მაგრამ მდიდარი, ღრმა ტონით. ნათელი ფერები, რომლის გამოყენებაც ასე ფართოდ არის გავრცელებული, ყოველთვის არ იძლევა სასურველ სიმშვიდეს.

საბოლოოდ კი ყველაფერი ინდივიდუალურია და დამოკიდებულია ადამიანის განწყობასა და ხასიათზე. არავითარ შემთხვევაში არ შეიზღუდოთ თავი, მთავარია, თავი კომფორტულად და მყუდროდ იგრძნოთ, ასე რომ, ყველა იდეას აქვს არსებობის უფლება.