თანამედროვე საახალწლო ტრადიციები ეროვნული და ჩინური საახალწლო ტრადიციების ერთგვარი მიქსია.
მომავალი, 2022 წელი შავი (ლურჯი) ვეფხვის წელია. ვეფხვის წელი რეალურად 1-ელ თებერვალს იწყება, თუმცა ტრადიციულად, ჩვენ 31 დეკემბერს ვეგებებით ახალ წელს.
გამმდინარე იქიდან, რომ ვეფხვი რეალური ცხოველია, მას რეალურ ინფორმაციებზე დაყრდნობით უნდა შევეგებოთ. ანუ უნდა გავითვალისწინოთ ყველაფერი, რაც ვეფხვის შესახებ ვიცით.
მოსამზადებელი ეტაპი შეგვიძლია დავყოთ ხუთ პირობით ფაზად, პუნქტად: შეხვედრის ადგილი, მორთულობა, მენიუ, საჩუქრები და სამოსი.
მაშ ასე:

სად შევხვდეთ
როგორც ვიცით, ვეფხვი მარტოხელა მონადირე ცხოველია, რომელსაც არ უყვარს უცხოები, თუმცა სოლიდარულია მონათესავე ცხოვლების მიმართ. მაშასადამე, ოჯახური გარემო და ნათესავები დიდწილად განაპირობებს 2022 წლის მბრძანებლის, ვეფხვის დადებით განწყობას თქვენ მიმართ.
კლუბებზე, დისკოთეკებზე და გართობებზე ამ შემთხვევაში უმჯობესია უარი თქვათ და ოჯახურ გარემოზე ფოკუსირდეთ.

როგორ მოვრთოთ სახლი

მიუხედავად იმისა, სად აპირებთ ახალი წლის შეხვედრას, სტუმრად თუ სახლში, სახლის მორთვა ნამდვილად აუცილებელია. საახალწლო აქსესურაები ხასიათსაც გამოგიკეთებთ და დღესასწაულსაც უფრო ხალისიანს გახდის. თანაც, თუ ყველა ოთახში შეიტანთ დეკორის მცირე ელემენტს მაინც, ძალიან კარგი იქნება.
სახლი მორთვის დროს უმჯობესაი გავიხსენოთ ვეფხვის საყვარელი ფერები. შავი, ვეფხვის ფერი შავია, ასვე ლურჯი, წყლისფერი, თეთრი, ღია ყავისფერი, ნარინჯისფერი, მოოქროსფრო, მოვერცხლისფრო. სწორედ ეს ფერები უნდა გამოიყენოთ დეკორში.

სახლის მორთვის დროს არ უნდა დაივიწყოთ კლასიკური ატრიბიტები, მაგალითად ნაძვის ხე, გირლანდები, განათებები და აშ. დანარჩენი აქსესუარები, ტექსტილი, ბალიშები, პლედები და სხვბა ატრიბუტები უკვე თქვენს გემოვნებაზეა დამოკიდებული. აირჩიეთ ერთი რომელიმე სტილი, იქნება ეს პროვანსი, კლასიკური, რეტრო თუ სხვა და ამ სტილს მიჰყევით სახლის საახალწლო გაფორმებისა და ნაძვის ხის მორთვის დროს. არ დაგავიწყდეთ ასევე ვეფხვის გამოსახულებიანი თუნდაც პატარა სუვენირი.

ეცადეთ, სახლი გარედანაც მორთოთ და ზღურბლიდანვ შეიქმნათ საახალწლო განწყობა.


რა მოვამზადოთ

ვეფხვი მტაცებელი ცხოველია. დიდი ცხოველების გარდა, ისეთები, როგორებიც არიან ღორი, ირემი და ა.შ., ვეფხვი პატარ-პატრა ცხოველებზე, კურდღლზე, მელაზე და ა.შ. ნადირობს. სუფრაზე ხორცეული უნდა იყოს - ღორის, კურდღლის, ქათმის, თუმცა ასევე გვირჩევენ ასტროლოგები, სუფრას არ მოვაკლოთ ხილეული, ასევე თხილეული და სხვადასხვა ბოსტნეული. ასე რომ, სუფრა შესაძლოა იყოს ძალიან მრავალფეროვანი.

რა ჩავიცვათ
ამ შემთხვევაში ყველაფერი იმაზეა დამოკიდებული, თუ სად ხვდებით ახალ წელს. რაც შეეხება ფერებს, უპირატესობა ღია ფერებს უნდა მიანიჭოთ. აქსესაურებად ძალიან კარგი იქნება სხვადასხვა ტიპის ქვები, განსაკუთრებით - გამჭვირვალე.

რა ვაჩუქოთ
საჩუქარი ახალი წლის ისეთივე მნიშვნელოვანი ნაწილია, როგორიც თოვლი. რა თქმა უნდა, ვეფხვის გამოსახულებიანი ნივთები აქტუალური იქნება, ასვე ყველაფერი შეგიძლიათ აჩუქოთ ადამიანს, რაც მას სიხარულს და ბედნიერებას მიანიჭებს.