ზოგჯერ ძნელი დასაჯერებელია, რომ ასეთი უჩვეულო დიზაინის გადაწყვეტილებები ნორმად იქცევა. მაშ, როგორ ცხოვრობენ ადამიანები ულტრა ვიწრო სახლებში?

"გამხდარი კაცის სახლი" პოლონეთში


სახლი მდებარეობს ვარშავის ცენტრში და სახელი მისი არაპროპორციულად ვიწრო ფასადის გამო დაერქვა. სახლის სიგანე მხოლოდ ერთ-ნახევარი მეტრია. დიზაინის ავტორია პოლონელი არქიტექტორი იაკუბ შჩესნა.
სახლს, მიუხედავად უკიდურესად მცირე სივრცისა, აქვს ყველაფერი, რაც საჭიროა ცხოვრებისთვის: პირველ სართულზე არის აბაზანა, სამზარეულო, საშხაპე და სასადილო ოთახი. მეორე სართულზე არის მისაღები და საძინებელი, ასევე კაბინეტი. ბუნებრივია, ეს ყველაფერი მიკროფორმატშია.

სახლი შპრიცი ამსტერდამში

ზოგიერთი წყაროს მიხედვით, მსოფლიოში ერთ-ერთი ყველაზე ვიწრო ნაგებობაა ამსტერდამში "შპრიცის სახლი". მისი სიგანე დაახლოებით 2 მეტრია, ხოლო სიმაღლე - 5 მეტრი. თავად შენობა 1600 წელს აშენდა.
ბინაში თითოეულ სართულზე მხოლოდ ერთი ოთახია. ასეთ შენობაში ცხოვრება უკიდურესად მოუხერხებელია. თუმცა იქ ტკბილეულის მაღაზიის გახსნაც კი მოახერხეს, რომელიც პირველ სართულზეა განთავსებული. აქვე არის ყველაზე პატარა ჩაის ოთახი ამსტერდამში, ამ მინი-კაფეში დასაჯდომად ადგილის დაჯავშნა მრავალი დღით ადრეა საჭირო.

"გამხდარი სახლი" ბოსტონში

ბოსტონი ასევე ცნობილია თავისი ვიწრო შენობებით. ერთ-ერთი ყველაზე ცნობილი შენობა "გამხდარი სახლი" გახლავთ, რომელიც 1870 წელს აშენდა. მისი სიგანე მხოლოდ 316 მეტრია, ხოლო სიღრმე არაუმეტეს 12მ-ისა.
სახლის შესახებ ორი ლეგენდა არსებობს. პირველის მიხედვით, ის ააშენა სამოქალაქო ომიდან დაბრუნებულმა ჯარისკაცმა და აღმოაჩინა, რომ მისმა ძმამ მათ მიერ მემკვიდრეობით მიღებულ მიწაზე უზარმაზარი სახლი ააშენა, რომელსაც თითქმის მთელი ტერიტორია ეკავა. ჯარისკამა დარჩენილ ადგილზე ააგო ვიწრო და მაღალი სახლი, რომელმაც მის ძმას მზე "დაუბნელა".
მეორე ლეგენდის თანახმად, "გამხდარი სახლი" ბოროტმა მეზობელმა ააშენა, რომელსაც არაკეთილმოსურნეებისთვის ცხოვრების გამწარება სურდა.
რაც უნდა იყოს, კორპუსში ბინები ქირავდება. ერთი ღამის გატარება ამ სახლში $325 ჯდება.

როგორ ცხოვრობენ აქ ადამიანები?

ცხადია, ვიწრო სახლში ცხოვრება განსაკუთრებულ ორგანიზებას და შეზღუდული სივრცის ათვისებას მოითხოვს. როგორ შეუძლიათ ამ უნიკალური შენობების მაცხოვრებლებს ოპტიმალურად გამოიყენონ ყოველი კვადრატული მეტრი?

მინიმალიზმი: ვიწრო სახლში კომფორტული ცხოვრების ერთ-ერთი მთავარი ასპექტია ავეჯის სწორი არჩევა და მოწყობა. ის უნდა იყოს კომპაქტური და ფუნქციონალური. ჩაშენებული კარადები და დასაკეცი დეკორატიული ელემენტები ხელს უწყობს თითოეული კვადრატული მეტრის ოპტიმიზაციას.

სივრცის ორგანიზაცია: ვიწრო სახლში თითოეულ კუთხეს განსაკუთრებული ფუნქცია აქვს. აქ თითოეული სანტიმეტრი მაქსიმალურად უნდა აითვისოთ.

განათებით თამაში: განათება და ინტერიერში ჩრდილების გამოყენება ქმნის სივრცის ზრდის ეფექტს. ხოლო ფანჯრები, რაც შეიძლება დიდი და ფართოა, რაც საშუალებას აძლევს ბუნებრივ შუქს შეაღწიოს შიგნით.

რა თქმა უნდა, ვიწრო სახლში ცხოვრება კარნახობს თავის წესებს, თუმცა, მთავარია შემოქმედებითი მიდგომა. ეს უზრუნველყოფს ჰარმონიასა და კომფორტს, ასევე შესაძლებლობას, ხელახლა განვსაზღვროთ ჩვენი მოსაზრება იმის თაობაზე, თუ რა არის სახლი.