თანამედროვე სამყაროში ლანდშაფტის დიზაინში ერთი ძირითადი და მნიშვნელოვანი ტრენდი დომინირებს - ბუნებრიობა.
ალბათ ბევრ ადამიანს ჰქონია პრობლემა მოცარიელებულ ღობესთან დაკავშირებით. როგორ არის შესაძლებელი მისი გალამაზება?შემოგთავაზებთ სამ საინტერესო და ულამაზეს მცენარეს, რომელიც ძალიან ლამაზად იზრდება და იდეალური საშუალებაა ე.წ. გამელოტებული ღობის დასაფარად.

cornus alba

ამ მცენარეს დოგვუდსაც უწოდებენ, ზოგიერთი თეთრ ტურფადაც მოიხსენიებს. საკმაოდ უხვტოტიანი ბუჩქია, რომელიც სივრცეს საჭიროებს. თუ ეზოს ფართობი გაძლევთ ამის საშუალებას, რამდენიმე ასეთი ბუჩქი ნამდვილად გაგახარებთ. ეს მცენარე კარგად ემორჩილება კრეჭას, რის გაკეთებასაც ნებისმიერი მებაღე აუცილებლად გირჩევთ, წინააღმდეგ შემთხვევაში ისე გადიდდება, რომ ირგვლივ ყველაფერს დაფარავს.
ზაფხულში ყვავილობს. აქვს ძალიან ლამაზი ფოთლები, რომელიც ნებისმიერ გარემოს ძალიან უხდება. ერთადერთი მინუსი ის აქვს, რომ ითხოვს წყალს. ბუნებაში ის ნოტიო ადგილზე, ჭაობთან იზრდება, ამიტომ შეეგუეთ, რომ ხშირად მორწყვა მოგიწევთ.

ვარდი

გაზაფხულზე აყვავილებული ვარდის ბუჩქის დანახვას არაფერი ჯობს. ეს მცენარე მოსავლელად ძალიან ადვილია, არ საჭიროებს განსაკუთრებულ ყურადღებას და ჩვენი კლიმატიც ძალიან მოსწონს.

შროშანი

ეს მებაღეების საყვარელი მცენარეა. ერთხელ დარგავთ ამ ყვავილს და რამდენიმე ზაფხული დატკბებით მისი სილამაზით. მართალია, ყვავის ცოტა ხნით, თუმცა ძალიან ლამაზად.
არის საკმაოდ ადვილი მოსავლელი, უყვარს ბუნებრივი ჩრდილი და აქვს საოცარი სურნელი.