არც ისე დიდი ხანია, კლუბმა "სოსანმა" საზოგადოებრივ მაუწყებელთან ერთად დაიწყო ახალი სოციალური კამპანია "ერთად გავამწვანოთ საქართველო". მათი პარტნიორები არიან თბილისის მერია და ბოტანიკური ბაღი. ამ პროექტის შედეგად საზოგადოებას საშუალება ექნება თვალი ადევნოს და მიიღოს რჩევები, როგორ გაამწვანონ აივნები, ეზოები, მოაწყონ ულამაზესი ბაღნარი. ამ აქციას საფუძველი კლუბ "სოსანის" ერთ-ერთი წევრის, ქალბატონი მედეა ქარელიშვილის ულამაზეს ბაღში ჩეყარა.

ქალბატონი მედეა დასთან - მაია ქარელიშვილთან ერთად წლების წინ გადასახლდა ოქროყანაში, თბილისში სახლი გაყიდეს და იქ დასახლდნენ. იქვე გააშენეს საოცარი ბაღი, რომელიც ბევრ მნახველს აოცებს.

მედეა ქარელიშვილი:
-

მიწასთან და მცენარეებთან ურთიერთობა უდიდეს სიამოვნებას მანიჭებს. როცა ეს სახლი შევიძინეთ, ეზო ნაგავსაყრელს ჰგავდა, დიდი ძალისხმევა და შრომა დაგვჭირდა, რომ ეს ბაღი გაგვეშენებინა. დავიწყეთ ბაღის ფორმირება, მოგვქონდა განოყიერებული და დამუშავებული მიწა, ვრგავდით ნერგებს, ყვავილებს. დღესდღეობით იმდენი სახეობის ყვავილი მაქვს, დათვლასაც ვერ შეძლებთ. კონკურსში "საქართველო ჩემი ბაღია" მონაწილეობამ და გამარჯვებამ ძალიან დიდი სტიმული და ენთუზიაზმი შემმატა. მინდა ყველას ვურჩიო, არ დიაშურონ ძალისხმევა და ენრგია, დარგონ, მოეფერონ მცენარეებს, ყვავილებს, ხეებს და ისინი საპასუხოდ აუცილებლად დაგაჯილდოებენ თავისი სილამაზით და უდიდეს სიამოვნებას მოგანიჭებენ.

მერი ბლიაძე