ამბობენ, რომ ამან შეიძლება იმოქმედოს ადამიანის განწყობაზე, საქციელზე და ბედზეც კი. თუ დრო უეცრად გაჩერდა, ეს ცუდის ნიშანია.
საათს ადამიანის ცხოვრებაში საკმაოდ დიდ დატვირთვა აქვს. საათის მეშვეობით ვახდენთ დროის ორიენტაციას. თუმცა, გარდა პრაქტიკული ფუნქციისა, ამ ნივთს, ატარებთ მას ხელზე თუ გაქვთ სახლში, როგორც აქსესუარი, ბევრი ცრურწმენა უკავშირდება.

მოდით ვნახოთ, რატომ არ შეიძლება სახლში გაფუჭებული საათის შენახვა, რას ფიქრობენ ეზოთერიკოსები.

თუ სახლში გაქვთ თქვენთვის თუნდაც ძალიან ძვირფასი საათი, რომელიც აღარ მუშაობს და არც კეთდება, დაუფიქრებლად და სინანულის გარეშე მოიშორეთ თავიდან, წინააღმდეგ შემთხვევაში, ამ ერთი შეხედვით აბსოლუტურად უვნებელმა აქსესუარმა შესაძლოა დიდი უბედურება მოგიტანოთ. უმჯობესია ის ნეგატიური ენერგია, რომელიც დროის გაჩერებას მოჰყვება, სწრაფად მოიშოროთ თავიდან.
არის შემთხვევები, როდესაც კედელზე დაკიდებული გაჩერებული საათი თავისით იწყებს მუშაობას. ეს კარგის ნიშანი არ გახლავთ. ცრურწმენებს თუ დავუჯერებთ, თავისით თავიდან ამოშავებული საათი შესაძლოა ახლობელი ადამიანის სიკვდილის მანიშნებელიც იყოს.

ზოგს ძველისძველი საათი, თუნდაც გაფუჭებული, რელიკვიად აქვს ოჯახში და ვერ იმეტებს გადასაგდებად სწორედ იმის გამო, რომ ვიღაცის ნაქონია ან რაღაცას ახსენებს, არადა, ასეთი საათი შესაძლოა ნეგატიურ ენერგიას ინახავდეს და უმჯობესია ის დროულად მოიშოროთ თავიდან.
საქმე ის არის, რომ საათი აუცილებლად ცოცხალი ადამიანისგან უნდა დაგრჩეთ, სწორედ ამ შემთხვევაში არის ის დადებითი ენერგიის მატარებელი.