37 წლის მილა კუნისი და 43 წლის ეშტონ კატჩერი 9 წელზე მეტია ერთად არიან. ამ დროის განმავლობაში ისინი დაქორწინდნენ და 2 შვილიც ეყოლათ. ყველა ამ მოვლენაზე მეტი დრო კი სახლის მშენებლობას მოანდომეს, რომელსაც დაახლოებით 5 წელი დასჭირდა. როგორც ამბობენ, ეს მათი საოცნებო სახლია.

სახლი ლოს ანჯელესში მდებარეობს და სოფლის სტილშია. გარე ტერიტორიაზე არის ასევე სახლი სტუმრებისთვის, გასართობი ზონა და ბარბექიუ. მილა ყოველთვის აღნიშნავს, რომ ის და მისი ქმარი ყოველთვის ოჯახურ, მყუდრო სახლზე ოცნებობდნენ და ძვირფას ვილაზე.

- გვინდოდა, ჩვენი სახლი ძველ ბოსელს ან ბეღელს დამსგავსებოდა, იმას რაც აქ ათწლეულების წინ იყო და რაც შემდეგ სახლად გადაკეთდა. თუმცა, ამავდროულად უნდა ყოფილიყო თანამედროვე და კომფორტული, - ამბობს კატჩერი.


ინტერიერისა და ექსტერიერის მოყობაში და გაფორმებაში წყვილს ერთ-ერთი დიზაინერული კომპანია დაეხმარა.
წყვილი თვეებს ანდომებდა შესაბამისი მასალის, ფერების და სტილის შერჩევას. რეალურად ეს ყველაფერი ეხებოდა არა მარტო არქიტექტურას, არამედ მათ მომავალ ცხოვრებას. სახლი არა მხოლოდ ვიზუალურად არის სოფლის სტილის, არამედ საკმაოდ ეკოლოგიურია და ბუნებრივი მასალებია გამოყენებული.


საბოლოოდ წყვილმა არცევანი შეაჩერა არა სოფლის, არამედ ცოტა უფრო თანამედროვე სტილზე. სწორედ ამის შემდეგ გაჩნდა მათ მისაღებში 3 მ-ზე მეტი სიგრძის დიდი ბროლის ჭაღი, რომელც საოცარ ატმოსფეროს ანიჭებს მთელ ინტერიერს.
- ძალიან სახალისოდ მოგვეჩვენა ბოსელში ასთი ბროლოს ჭარის დაკიდება, ეს ხომ საერთოდ ამოვარდნილია საერთო სტილიდან, - ამბობს კატჩერი.