ელექტროგრილი ძალიან ბევრ ოჯახშია და დიასახლისები მას ერთ-ერთ საჭირო და ძალიან პრაქტიკულ მოწყობილობად მიიჩნევენ. თუმცა რამდენადაც მარტივია მისი ძირითადი სათავსოს გასუფთავება, იმდენად რთული მოსავლელი ჩანს თავსახური, რომელშიც მთავარი ელექტრომოწყობილობაა ჩამონტაჟებული. როგორ უნდა გავასუფთავოთ ელექტროგრილის თავსახური, რომ სპირალი და ელექტრონაწილები არ დაზიანდეს?
მოამზადეთ ნარევი: 
3 სუფრის კოვს სოდას დააწურეთ ლომონი ან მოასხით ძმარი, დაამატეთ ერთი სუფრის კოვზი სარეცხი ჟელე და თუ ძალიან სქელია, ოდნავ გაათხელეთ წყლით.
სპირალიან ნაწილს დაახვიეთ ქაღალდი, შემდეგ მინაზე დაიტანეთ სოდიანი მასა, გააჩერეთ 2-3 წუთით და დაიწყეთ წმენდა. ბოლოს საკმარისია სუფთა სველი ტილოს გადასმა.

დიასახლისები საკუთარი გამოცდილებით კიდევ რამდენიმე რჩევას გვიზიარებენ:
"ცხელსვე ვუსმევ კარგად გაწურულ ჭურჭლის ღრუბელს ცოტა ქაფით და მერე კარგად ვასუფთავებ სველი ტილოთი"
"წყალს მივუშვერ და გემრიელად ვხეხავ და ვრეცხავ. რეცხვიდა ორ დღეშიც ჩამირთავს, მაგრამ არაფერი მოსვლია. წლებია მაქვს".
"სველი ხელსახოცით გაწმინდეთ და მერე გაამშრალეთ"
"ჩვეულებრივად ვრეცხავ ონკანის ქვეშ, ქაფით"