ალბათ ზოგს გაუკვირდება, მაგრამ ზოგჯერ იმისთვის, რომ სახლი გამოიყურებოდეს ლამაზად და იგრძნობოდეს სიმყუდროვე, საჭიროა მისი მხოლოდ დალაგება.
ძალიან ბევრ ადამიანს არ უყვარს სახლის დალაგება, მით უმეტეს, თუ საუბარი გენერალურ დასუფთავებაზეა, თუმცა ფსიქოლოგებიც კი ირწმუნებიან, რომ ეს ადამიანის ფსიქიკისთვის საჭირო და სასარგებლო პროცესია. არეული სივრცე აუცილებლად უნდა დალაგდეს. ეს საშუალებას იძლევა გათავისუფლდეს სახლი ზედმეტი, უსარგებლო ნივთებისგან, ადამიანის სული კი - შფოთვისგან, მოხდეს ე.წ. სრული განწმენდა.
ყველაზე საინტერესო კი ის გახლავთ, რომ გენერალური დასუფთავების შემდეგ სივრცე კარდინალურად იცვლება ხოლმე. სახლის პატრონებიც კი, როდესაც ადარებენ ფოტოს მდე და შემდეგ, გაოცებულები რჩებიან ხოლმე, ვერ ცნობენ საკუთარ საცხოვრებელს, თან ამაყობენ ხოლმე, რომ ყოველივე ამის ავტორები თავად არიან. არადა, დალაგებულ სახლში დასვენება სხვანაირია და დაძინებაც.

გადავწყვიტეთ, თვალსაჩინო მაგალითები გაჩვენოთ იმ ყოველივესთან დაკავშირებით, რაზეც ვსაუბრობთ.
ამ სამზარეულოს დალაგებას, მაგალითად, ერთი კვირა დასჭირდა, თუმცა შედეგი ნამდვილად დამაკმაყოფილებელია.


სახლის საქმეს რა გამოლევს. დიასახლისი დასალაგებელს ყოველთვის იპოვის. თუ გინდათ, რომ დრო სასარგებლოდ გაატაროთ, გამოაღეთ მაგალითად კარადა და დაკეცეთ ტანსაცმელები, დალაგებულ კარადაზე სასიამოვნო რა უნდა იყოს. არც ბევრი დრო დაგჭირდებათ სასურველი ნივთის მოსაძებნად. თუ ამას სისტემატურად გააკეთებთ, ანუ მუდმივად დაალაგებთ არეულს, თქვენს სახლს გენერალური დასუფთავება უბრალოდ არ დასჭირდება.

როცა ირგვლივ ქაოსი და არეულობაა, ადამიანს აპათია ეუფლება და მას არაფრის გაკეთება არ უნდა და სიამოვნებს. არადა, საჭიროა. ადამიანმა თავი ხელში უნდა აიყვანოს და გადალახოს ეს ბარიერი.

ეს ქურა კი მის პატრონს ალბათ, არასდროს გაუწმენდია, მართალია, ამას დროს დასჭირდა, თუმცა შედეგი ამად ღირდა.