მაგიდის სერვირება საახალწლო დღესასწაულის ერთ-ერთი მთავარი შემადგენელი ნაწილია. ვეცდებით შემოგთავაზოთ მარტივი იდეები თქვენი საახალწლო სუფრის გასაფორმებლად.

დავიწყოთ იმით, რომ ეტიკეტის მიხედვით სუფრა ნაჭრის უნდა იყოს. აუცილებლად - დაუთოებული. თუ ამის დრო არ გაქვთ, გირჩევთ სუფრა მაგიდას ერთი დღით ადრე გადააფაროთ, რათა გასწორება მოასწროს.

მაგიდის ცენტრში მოათავსეთ რაიმე საახალწლო აქსესუარი, პატარა ნაძვის ტოტი ან სხვა რამ.
ტოტებს შორის მიმოფანტეთ მძივები ან სხვა რაიმე ბრჭყვიალა მანათობლები, მოსართავები.

დეკორი შესაძლებელია დაასრულოთ მინის დიდ ლარნაკში მოთავსებული საახალწლო სათამაშოებით.
თითოეულ თეფშზე შეგიძლიათ დადოთ პატარა სადღესასწაულო ქსოვილი, მაგალითად ორგანზე და ზემოდან დაადოთ ლამაზი სადღესასწაულო ხელსახოცი.

დანა-ჩანგალი თეფშზე მოათავსეთ, ასე მაგიდაზეც მეტი ადგილი დარჩება.
დამატებით დეკორად თითოეულ თეფშზე შეგიძლიათ დადოთ პატარა გირჩი.

უბრალო სკამებს გადააფარეთ ლამაზი სადღესასწაულო ქსოვილი და თითოეულ მათგანზე მოათავსეთ საშობაო წინდა.
ძალიან ეფექტური იქნება, ისეთი ხემსები, როგორიც არის ყველი, მწვანილი, ბოსტნეული, ნაძვის ხის ფორმის სახით განალაგოთ პირდაპირი საჭრელი დაფით.