ყველაფერი ეს სისუფთავისა და წესრიგის პრინციპებს უკავშირდება.
თითქმის ყველა ქალი ყოველდღიურად ასრულებს საოჯახო საქმეებს. დასუფთავება, რეცხვა, საჭმლის მომზადება - ეს დიასახლისების ყოველდღიური რუტინაა. ბუნებრივია, ყველას საკუთარი წარმოდგენები და მოსაზრებები გააჩნია გემრიელ საკვებზე და სუფთა ნივთებზე. თუმცა, არსებობს ზოგადი ცნებები, რომლითაც შეგიძლიათ ზუსტად გაიგოთ, რამდენად კარგად უძღვება ქალბატონი მასზე დაკისრებულ პასუხისმგებლობებს.

ამჯერად ვისაუბრებთ აბაზანის დასუფთავების პრინციპებზე, იმ მნიშვნელოვან დეტალებზე, რაც ამ სივრცის სრულყოფილი წესრიგისთვის უნდა გააკეთოს დიასახლისმა ყოველდღიურად. თქვენ უბრალოდ უნდა გაეცნოთ ამ დეტალებს და გამოსცადოთ საკუთარი თავი.

პირსახოცების გამოცვლა

სისუფთავის ექსპერტები ამბობენ, რომ აბაზანის პირსახოცები ყოველდღიურად უნდა იცვლებოდეს, რადგან მათზე ძალიან ადვილად გროვდება მკვდარი კანის ფრაგმენტები, ოფლი და სხვადასხვა ბაქტერია. ამიტომ, თუ არ გსურთ შეგაწუხოთ კანზე გამონაყარმა და სხვა უსიამოვნო დაავადებებმა, ნუ დაგეზარებათ პირსახოცების ყოველდღიურად გამოცვლა.

აბაზანის ფარდის გასწორება
ბევრს ავიწყდება აბაზანის ფარდის ფაქტორი, არადა ის ძალიან ადვილად ჭუჭყიანდება, იფარება რა ლორწოთი და სოკოთი, ასევე აქვს სუნი, ამიტომ აბაზანის ფარდა შხაპის მიღების შემდეგ აუცილებლად კარგად უნდა გაიშალოს, რომ ნაკეცები არ ჰქონდეს და კარგად გაშრობა მოახერხოს.

ონკანების გაწმენდა

ონკანი არის ნივთი, რომელიც ძალიან სწრაფად იფარება წყლის ნადებით, ამის თავიდან ასაცილებლად, ის ყოველდღე უნდა გაწმინდოთ ღრუბლით და საწმენდი საშუალებით, შემდეგ კი გამშრალდეს ქაღალდის ხელსახოცით ან ქსოვილით.

სარეცხის მანქანის უჯრის გარეცხვა
თუ გსურთ თავიდან აიცილოთ გაქვავებული სარეცხი ფხვნილის ნადები სარეცხის მანქანაში, ფხვნილის უჯრა ყოველი გარეცხვის შემდეგ კარგად უნდა გარეცხოთ. ამისთვის საკმარისია ამ დეტალის ცხელ წყალში გავლება და შემდეგ ტილოთი გამშრალება.

აბაზანის ღიად დატოვება
ყოველ ჯერზე, შხაპის მიღებისას, ბანაობის შემდეგ აბაზანის კარი ღია დატოვეთ. ამ გზით თქვენ შექმნით შესანიშნავ პირობებს ბუნებრივი ვენტილაციისთვის. შედეგად, თქვენს აბაზანაში ტენიანობა იქნება ზომიერი, რაც იმას ნიშნავს, რომ არ შეგაწუხებთ სოკო, ობი და უსიამოვნო სუნი.

კიდევ რა?

• ყოველდღიურად გაწმინდეთ ნიჟარის სანიაღვრე. ამისთვის შეგიძლიათ გამოიყენოთ წამწამების ძველი ფუნჯი, რომელიც შესანიშნავი საშუალებაა თმისა და სხვა ნარჩენების შესაგროვებლად, რომლებიც ჩვეულებრივ ჭდავს ხოლმე კანალიზაციას.
• გაწმინდეთ ქრომირებული ზედაპირი (ონკანების ჩათვლით) ლიმონმჟავით. დეზინფექცია გაუკეთეთ ტილოებსა და ღრუბლებს. მათზე ყოველდღიურად უამრავი ბაქტერია გროვდება. ამისათვის შეგიძლიათ გამოიყენოთ მარილი. გახსენით რამდენიმე ჩაის კოვზი მარილი პატარა კონტეინერში. დაასველეთ ღრუბლები ამ ხსნარში ყოველდღე.
• გაწმინდეთ სარკის ზედაპირები.
• გაასუფთავეთ სავენტილაციო ბადე. მასში ბევრი მტვერი და ჭუჭყი გროვდება ხოლმე.