ამ ბუნებრივი საშუალებების გამოყენებით შეგიძლიათ გაასუფთაოთ თქვენი მანქანა ობისა და საპნის ლაქებისგან. ამ შემთხვევაში დოლურაში არაფერი დარჩება ისეთი, რამაც შეიძლება ზიანი მიაყენოს თქვენს ნივთებს.
შესაძლოა სარეცხი მანქანა ობის გავრცელების იდეალური ადგილი აღმოჩნდეს - სწორედ ეს იწვევს უსიამოვნო სუნს. დოლურის და სხვა ნაწილების გაწმენდის მრავალი მეთოდი არსებობს; არსებობს პროფესიონალური პროდუქტები, მაგრამ ეს, როგორც წესი, უხეში ქიმიკატებია, რომელთა მოშორებაც ძნელია ერთჯერადი გარეცხვით. ეს მარტივად მოსაძიებელი და იაფი საშუალებები დაგეხმარებათ იმაში, რომ თქვენი სარეცხი მანქანა ახალივით გახდეს.
თქვენ დაგჭირდებათ:
*2
*¼ ჭიქა საცხობი სოდა;
*¼ ჭიქა წყალი;
*2 ჭიქა მათეთრებელი;
*ჭურჭლის სარეცხი სითხე;
*საწმენდი ქსოვილი;
*ძველი კბილის ჯაგრისი ან პატარა ჯაგრისი.
*კონტეინერი თბილი წყლით.
![](/images/2024/August/2024-08-30/მ1.gif)
ჯერ კარგად გაწმინდეთ სარეცხი მანქანის კარი ჭურჭლის სარეცხი საშუალების სუსტ ხსნარში დასველებული ქსოვილით. შემდეგ გაწმინდეთ რეზინის რგოლი უხეში ჭუჭყისაგან ძველი კბილის ჯაგრისით. გაწმენდის პირველ ეტაპზე ვაშორებთ დარჩენილ საპნის ქაფს და ფხვნილს. გაგიკვირდებათ, თუ რამდენი ჭუჭყიანი გროვდება ერთი შეხედვით სუფთა მინის კარზე და რეზინის ნაწილებზე. რეზინის ქვეშ კი შეიძლება ნამდვილი საგანძური აღმოაჩინოთ: ხურდები, სამაგრები, ტანსაცმლის ეტიკეტები, ჯიბეებში ჩარჩენილი წვრილმანი ნივთები და ა.შ.
დავიწყოთ დოლურის და სხვა შიდა ნაწილების გაწმენდა ძმრისა და სოდის პასტის გამოყენებით. შეურიეთ ერთმანეთს ¼ ჭიქა ფხვნილი და ¼ ჭიქა წყალი და შემდეგ დაასხით 2 ჭიქა თეთრი ძმარი. მანქანის უჯრის ყველა განყოფილება დააფარეთ ამ პასტით. ჩაასხით 2 ჭიქა ძმარი დოლურაში და დააყენეთ ის მოკლე, ყოველდღიური რეცხვის ციკლზე ყველაზე ცხელი წყლის პარამეტრით. ეს ნაბიჯი ხელს შეუწყობს მინერალური ნარჩენების და ობის ამოღებას მოწყობილობიდან. ამ პროცედურის შემდეგ მანქანაში უსიამოვნო სუნის არანარი კვალი აღარ დარჩება!
შემდეგი ტაპი საჭიროა უსიამოვნო სუნის საბოლოოდ გასანადგურებლად. ჩაასხით 2 სრული საზომი ჭიქა მათეთრებელი უჯრაში და ჩართეთ მოკლე ციკლი 40-60 გრადუსზე. (თუ ატყობთ, რომ მანქანაში არაფრის სუნი აღრა დარჩა წინა ეტაპის, ანუ ძმრით დამუშავების შემდეგ, შეგიძლიათ ეს ეტაპი გამოტოვოთ.)
![](/images/2024/August/2024-08-30/მ2.gif)
ციკლის დასრულების შემდეგ, ჩართეთ დამატებითი რეცხვის რეჟიმი, რათა სრულად ჩამოირეცხოს დარჩენილი მათეთრებელი.
და ბოლოს, კვლავ გაწმინდეთ ლუქი, დოლურა და სარეცხი მანქანის კარი თბილ წყალში დასველებული ქსოვილით. ამის შემდეგ თქვენი მანქანა სისუფთავით იბრწყინებს.