როგორ დავამზადოთ ნივრის ფხვნილი საკუთარი ხელით


ქართველის დიასხლისები კერძებში, როგორც წესი, ნიორს ვიყენებთ, თან, თითქმის ყველა კერძში, თუმცა, ნელ-ნელა შემოვიდა და თანდათან უფრო და უფრო აქტუალური ხდება ნივრის ფხვნილი, რომელიც საკმაოდ კარგი სანელებელია და  მიუხედავად იმისა, რომ თავად ნიორს ვერ ცვლის, ბევრ კერძს ნამდვილად ანიჭებს  პიკანტურ და სასიამოვნო არომატს. რაც მთავარია, ეს სანელებელი თავადაც შეგვიძლია დავამზადოთ და თან, ძალიან მარტივად. სად მიგვაქვს ნივრის ნაფცქვენები? რა თქმა უნდა, ნაგვის ურნაში ყრით. არადა, შეიძლება ნამდვილ განძად აქციოთ.

შემდეგ ჯერზე, როცა ნივრით კერძს მოამზადებთ, ნუ იჩქარებთ ნაფცქვენების გადაყრას, მისგან შეგიძლიათ
შესანიშნავი სუნელის გაკეთება: სურნელოვანის და ჯანსაღის. თან, სრულიად უფასოდ. მით უმეტეს, რომ არც რთული მოსამზადებელია და არც დიდი დრო სჭირდება.
დაიწყეთ ჩვევით, რომ გარჩევის შემდეგ ნივრის ნაფცქვენი მოათავსოთ ცალკე ქილაში ან კონტეინერში. როგორც კი კონტეინერი გაივსება, შეგიძლიათ დაიწყოთ გემრიელი სუნელის მომზადება.

ნივრის ნაფცქვენი ჯერ კარგად გარეცხეთ გამდინარე წყლის ქვეშ,
შემდეგ გადაიტანეთ სუფთა ჩაის ტილოზე და კარგად გააშრეთ. შემდეგი ეტაპი გახლავთ საცხობი ფირფიტა და ღუმელი მინიმალურ ტემპერატურაზე. გამოაშრეთ, სანამ ქერქები არ გაყავისფრდება.
მიღებული "ფურცლები" დაფქვით ბლენდერში ან ყავის საფქვავში და თქვენი სუნელი მზად არის! შეგიძლიათ გამოიყენოთ კერძისთვის პიკანტური არომატის მისანიჭებლად.

კომენტარის დამატება