არსებობს ნივთები, რომლებიც არა მარტო აფუჭებს ინტერიერს, არამედ საერთოდ გაგიქრობთ სურვილს, იმყოფებოდეთ ამა თუ იმ სივრცეში.
საით მივემართებით გაღვიძებისთანავე? რა თქმა უნდა, აბაზანაში და თუ იქ სიმყუდროვეა, გამოსვლაც აღარ გვინდა. ქაოსურ ინტერიერში გაჩერება სასიამოვნო არავისთვის არის.
მოდით ვნახოთ, რამ შეიძლება დაარღვიოს სიმყუდროვე ამ შემთხვევაში კონკრეტულად აბაზანაში.

კუთხის თარო

მსგავსი ტიპის თარო, კოსმეტიკური საშუალებების შესანახი, ძვირი არ ღირს, შეიძლება ითქვას, რომ პრაქტიკულიცაა, თუმცა ისეთი მასალისგან არის დამზადებული, რომელიც ძალიან მალე კარგავს სახეს და არაესთეტიკური სანახავია.

კოსმეტიკა სარეცხის მანქანაზე
ბევრ დიასახლისს უყვარს კოსმეტიკის სარეცხის მანქანაზე განლაგება, რადგან არ იცის სად წაიღოს, მაგრამ გაითვალისწინეთ, რომ ეს ძალიან აფუჭეს თავად აბაზანის ვიზუალს და ქმნის არეულობისა და ქაოსის შთაბეჭდილებას.

მყარი საპონი

დიზაინერები ერთხმად ამტკიცებენ, რომ ბევრად ეფექტური და ლამაზია, როდესაც ხელსაბან ნიჟარაზე დევს არა მყარი საპონი, არამედ ლამაზ კონტეინერში მოთავსებული თხევადი საპონი.

ღია თაროები
თაროებზე უკვე ვისაუბრეთ, მისი ყიდვა, რა თქმა უნდა, შეიძლება, მაგრამ სასურველია ეს იყოს მხოლოდ ერთი ცალი. ბევრი თარო ბევრი კოსმეტიკური საშუალებით ნამდვილად არ არის სასიამოვნო სანახავი.

ხალათი კარზე

ძალია ბევრი აბაზანის კარს აქვს საკიდი ხალათისთვის. ესეც ის შემთხვევაა, როდესაც შესაძლოა იყოს პრაქტიკული, ვიზუალურად - მიუღებელი.

ტუალეტის ქაღალდის შეკვრა

ძალიან ბევრ აბაზანაში მთლიან შეკვრას სარეცხის მანქანაზე მიუჩენენ ხოლმე ადგილს, თუმცა გირჩევთ, ეს რა გააკეთოთ.

ნივთები რადიატორზე
ეს ძალიან გავრცელებული შეცდომაა - ყველა ტილო თუ პირსახოცი საშრობ რადიატორზე, მოსახერხებელია, თუმცა ვიზუალურად ძალიან გაუმართლებელი.

გამაცხელებელი კედელზე

წყლის გამაცხელებელი ნამდვილად ძალიან საჭირო ნივთია, თუმცა როდესაც ის თვალსაჩინო ადგილზეა, სერიოზულად აფუჭებს ინტერიერის გარეგნულ იერსახეს.

ღრუბელი ონკანზე
კიდევ ერთი აქსესუარი აბაზანაში, რომელიც უმჯობესია მოაშოროთ თვალსაწიერიდან, ეს გახლავთ აბაზანის ღრუბელი, განთავსებული ონკანზე, რომელიც ნამდვილად არ არის სასიამოვნო სანახავი.

ჭიქა კბილის ჯაგრისებისთვის
ბევრ ოჯახში კბილის ჯაგრისებს ჭიქებში ინახავენ, ეს არაჰიგიენურია, რადგან ჭიქის ძირში ხშირად ჩნდება ობი, რაც ნამდვილად არ არის კარგი ჯანმრთელობისთვის, ამიტომ უმჯობესია ჯაგრისების შესანახად დასაკიდი საშუალებები აირჩიოთ.