გამოცდილმა დიასახლისებმა კარგად იციან, რომ ყველა ნივთი სარეცხის მანქანაში გარცხვას არ ექვემდებარება. მაგალითად, აბრეშუმის ნივთი შესაძლოა სერიოზულად დაზიანდეს მანქანის დოლურის წვეტით, თუნდაც სპეციალურ ჩანთებში, რომლებიც განკუთვნილია დელიკატური ქსოვილების გასარეცხად, ამიტომ, ხელით რეცხვა ქაშმირის, მატყლისა და აბრეშუმის ნივთებისთვის ისე, რომ ნივთი არ დაზიანდეს, ყველაზე უსაფრთხო გზაა.

პირველ რიგში შეავსეთ ჭურჭელი წყლით და მოათავსეთ ნივთები შიგნით. თუ თქვენ გჭირდებათ უფრო მოცულობითი ნივთების გარეცხვა, როგორიცაა თეთრეული ან გრძელი კაბა, შეგიძლიათ ეს აბაზანაში გააკეთოთ. დალბობა არის მათეთრებლის შესანიშნავი ალტერნატივა, თუ გსურთ ტანსაცმლისგან ლაქების მოცილება უხეში ქიმიკატებით ქსოვილის დაზიანების გარეშე. დასალბობად შეგიძლიათ ონკანის ნიჟარაც კი გამოიყენოთ, რა თქმა უნდა, აბაზანის და არა სამზარეულოსი.

დალბობის დროს ნივთი ამოატრიალეთ, შიდა მხარით გარეთ და დაახარისხეთ ფერების მიხედვით, ეს ძალიან მნიშვნელოვნია. ეს ხელს შეუშლის სხვადასხვა სამოსის არასასურველ შეღებვას სხვა ტონებში, ასევე ტანსაცმელს შეუნარჩუნებთ ფერს და სიკაშკაშეს და ქსოვილსაც დაიცავთ დაზიანებისგან.
ასევე მნიშვნელოვანია სარეცხი საშუალების დოზის განსაზღვრა. ძალიან ბევრი სარეცხი საშუალება ნივთებს გამოაშრობს, ხოლო თუ ძალიან ცოტა რაოდენობითაა, შეუძლებელი იქნება სასურველი შდეგის მიღება და ნივთის ხარისხიანად გასუფთავება. ამ შემთხვევაში იდეალური ვარიანტია ქსოვილზე დატანილი რეკომენდაციების გათვალისწინება. დაამატეთ სარეცხი საშუალება წყლიან თასში (ან ნიჟარაში). როგორც უკვე აღვნიშნეთ, მხოლოდ მწარმოებლის რეკომენდაციების გათვალისწინებით.

მოათავსეთ ნივთები წყალში და ხელით ფრთხილად გაანაწილეთ შიგნით, წყლისა და სარეცხი საშუალების ქაფით. ტანსაცმელი წყალში 15-30 წუთის განმავლობაში გაჩერეთ. შემდეგ გადაწურეთ წყალი და გაავლეთ სამოსი გრილ წყალში ფრთხილად, წურვის გარეშე, რათა არ დარჩეს ნაკეცები ან არ დაზიანდეს ქსოვილის ბოჭკოები. გაავლეთ, სანამ სუფთა წყალი არ გაუვა.
ყველა ამ მანიპულაციის შემდეგ მოათვასეთ ტანსაცმელი საშრობზე, დარწმუნდით, რომ კარგადაა გაწურული და წყალი არ წვეთებს. თუ საშრობის გამოყენებას აპირებთ, გაითვალისწინეთ, რომ მასში ქაშმირის, მატყლის, ხელოვნური ბეწვისა და აბრეშუმის ნივთების მოთავსება შეუძლებელია. ასევე დარწმუნდით, რომ საშრობზე მოთავსებული ტანსაცმელი არ ექვემდებარება მზეზე გაშრობას, რადგან ასე ქსოვილი შეიძლება გამოიწვას.