პირველი შთაბეჭდილება სახლთან დაკავშირებით დერეფანზეა დამოკიდებული, რაც, სამწუხაროდ, ხშირად გვავიწყდება ხოლმე ება და ამ ადგილს სხვადასხვა ნივთების საწყობად ვაქცევთ ხოლმე. მოდით ვნახოთ, კიდევ რა შეცდომებს ვუშვებთ ყველაზე ხშირად დერეფნის გაფორმებისას დროს. სხვათა შორის, ცუდი განათებაც შეცდომათა სიაში შედის.

დერეფნისთვის დიასახლისები ხშირად ირჩევენ კარის პატარა ხალიჩას, რომ ფეხსაცმელმა იატაკი, ფილები არ დასვაროს. არადა, ფეხსაცმლით შემოტანილი ჭუჭყი, როგორც წესი, ხალიჩაზე კი არ რჩება, იატაკზე გროვდება. გარდა ამისა, ყოველთვის არის შესაძლებლობა, რომ ბინაში შესვლისას ადამიანმა უბრალოდ გადააბიჯოს ხალიჩას და მაშინ ამ ავეჯს არაფერი გამოადგება.
ამიტომ, ნუ აირჩევთ პატარა ვარიანტებს, მაშინაც კი, თუ თქვენ გაქვთ პატარა დერეფანი. უპირატესობა მიანიჭეთ კომფორტული ზომის ხალიჩებს.

რატომღაც, რემონტის პროცესში, იშვიათად ექცევა ყურადღება განათებას, მაგრამ ბინაში კომფორტი დიდწილად მასზეა დამოკიდებული. თუ სინათლე სუსტია, ოთახში ყოფნა არასასიამოვნო იქნება, გარდა ამისა, ოდნავი არეულობაც კი ქაოსად მოგეჩვენებათ. ვინაიდან მზის ბუნებრივი შუქი იშვიათად შემოდის დერეფანში, მოგიწევთ ხელოვნურ განათების გამოყენება. უკეთესია რამდენიმე სცენარის გათვალისწინება: ჭერისთვის შეარჩიეთ ბრტყელი ჩრდილის მქონე ნათურა, ხოლო სარკის ზონისთვის - კედლის ბრა.

დერეფანი არის ოთახი, სადაც სასიცოცხლოდ მნიშვნელოვანია შესანახი სისტემის სწორად ორგანიზება. ჯერ ერთი, ის იშვიათად არის დიდი ზომის, ამიტომ აქ არეულობის შექმნა ძალიან ადვილია. პირველი, რითიც უნდა დაიწყოთ, არის არასეზონური ნივთების მოშორება, ჩაატარეთ აუდიტი და მოაშორეთ ყველაფერი, რაც ამჟამად არ გაცვიათ: სპორტულები, ჯინსის ქურთუკები, პანამის ქუდები და ა.შ. დატოვეთ მხოლოდ ის, რაც ნამდვილად გჭირდებათ და ცალკე განათავსეთ სეზონური ნივთები, რათა მათ არ გადატვირთოთ დერეფანი.

თუ შინაური ცხოველები გყავთ, მაშინ, ალბათ, ის, რაც შეიძლება დაგჭირდეთ სეირნობის დროს, ყველაფერი დერეფანში აქვთ. გირჩევთ, რომ არ გადააქციოთ შესასვლელი თქვენი შინაური ცხოველის კუთხედ, შეგიძლიათ შესასვლელთან ახლოს მოათავსოთ ლამაზი კალათა ან ყუთი, სადაც მოათავსებთ ნივთებს, რომლებიც შეიძლება დაგჭირდეთ ცხოველის გასეირნების დროს.