რა იქცევს პირველ რიგში ყურადღებას სახლში შესვლის დროს? რა თქმა უნდა, სუფთა იატაკი და სასიამოვნო არომატი. საერთოდ არ აქვს მნიშვნელობა, ხალიჩა იქნება ეს თუ პარკეტი, ლამინატი თუ ფილა, მარმარილო თუ სხვა რამ. იატაკის ნებისმიერი საფარი კარგად უნდა გამოიყურებოდეს და სახლში უნდა ტრიალებდეს სუფთა სურნელი.

ხშირად კი ისე ხდება, რომ ვწმენდთ იატაკს სპეციალური, ხშირად საკმაოდ ძვირადღირებული საშუალებებით, თუმცა სასურველ შედეგს ვერ ვიღებთ.

ჭურჭლის სარეცხი სითხე

დიახ, დიახ, ზუსტად ის, რასაც იყენებთ სამზარეულოში. მაგრამ რა კავშირი აქვს პროდუქტს, რომელსაც ვიყენებთ თეფშებისა და ჭიქების გასარეცხად, მბზინავ იატაკთან? მიზეზი ბევრია.
პროდუქტი უსაფრთხოა და მისი გამოყენება ყველას შეუძლია. შემადგენლობის წყალობით ის შესანიშნავად უმკლავდება ჭუჭყს და მტვერს. არატოქსიკურია და შესაფერისია ნებისმიერი ზედაპირისთვის: ვინილის, ქვის, ხის, ფილა, ლამინატი, ლინოლეუმი. დაგჭირდებათ მხოლოდ 1-2 წვეთი, მაგრამ არ დაგავიწყდეთ გაწმენდის შემდეგ ხელახლა მოწმინდოთ იატაკი ჩვეულებრივი წყლით.

სამედიცინო სპირტი
ყველაზე კარგი ვარიანტი მათთვის, ვინც ზრუნავს სტერილობაზე, შეგიძლიათ გამოიყენოთ სამედიცინო სპირტი. ის არა მხოლოდ ჭუჭყისა და უსიამოვნო სუნის წინააღმდეგ ბრძოლაში გვეხმარება, არამედ ეფექტური ბაქტერიციდიცაა.
მეთოდი შესაფერისია ლამინატის, კერამიკული ფილების, მყარი ხის (მაგალითად, მუხის) და ვინილის იატაკისთვის. დაგჭირდებათ მხოლოდ ერთი ჭიქა სამედიცინო სპირტი 5 ლიტრ წყალზე და არაფრის მორეცხვა აღარ გჭირდებათ, რადგან იატაკის საწმენდი ეს პროდუქტი ალკოჰოლზეა დაფუძნებული, ასე რომ, ეს მხოლოდ გააუმჯობესებს ეფექტს.

ძმარი
ეძებთ ხელმისაწვდომ გზას იატაკის გასაწმენდად? გამოიყენეთ 9%-იანი ძმარი. ამ პროდუქტის მჟავიანობა საშუალებას მოგცემთ დაემშვიდობოთ ჭუჭყისა და ცხიმის უძველეს ლაქებსაც კი. მძაფრი სუნის ნუ შეგეშინდებათ, ის რამდენიმე წუთში გაქრება.
რაც მთავარია, არ გამოიყენოთ იგი გრანიტზე, მარმარილოზე ან დაუმუშავებელ ხეზე. მაგრამ ნამდვილად არ გააფუჭებთ ვინილს, ლინოლეუმს და ფილებს. გააზავეთ 100 მლ 4 ლიტრ თბილ წყალში და მოწმინდეთ იატაკი. დამატებითი მორეცხვა საჭირო აღარ არის.

ეთერზეთები
მათთვის, ვინც სპეციალურად ეძებს სასიამოვნო არომატს, ვურჩევთ წყალში 40 წვეთი ეთერზეთის დამატებას. რომელი ჯობია? ველური ფორთოხლის ზეთი არა მხოლოდ ციტრუსის სასიამოვნო არომატს ავრცელებს, არამედ უზრუნველყოფს ანტიბაქტერიულ და მტვრის საწინააღმდეგო ეფექტს და ცხიმიანი ტექსტურის გამო ეფექტურად მოაცილებს იატაკს ჭუჭყს და წებოს ნარჩენებს. ჩაის ხის ზეთი გაანადგურებს ბაქტერიებსა და ვირუსებს. ის განსაკუთრებით ეფექტური და სასურველია იმ შემთხვევაში, თუ სახლში ცხოველები გყავთ, რადგან ანეიტრალებს უსიამოვნო, სპეციფიურ სუნს.


მზა კონცენტრატები იატაკის გასაწმენდად
თუ თქვენს სახლში ცხოველები და ბავშვები ცხოვრობენ, მაშინ, ალბათ, ძალიან გაგიჭირდებათ თვალყურის დევნება. ბავშვები ხშირად დაცოცავდნენ იატაკზე, შემდეგ ხშირად იდებენ ხელებს პირში, კატები და ძაღლები კი ზედაპირებიდან იღებენ სათამაშოებს. ამიტომ, საწმენდი საშუალებები რაც შეიძლება ფრთხილად უნდა აარჩიოთ. ისინი უნდა იყოს არა აგრესიული და ჰიპოალერგიული.

საბედნიეროდ, მაღაზიებში უამრავი პროდუქტია. თაროებზე შეგიძლიათ იპოვოთ პროდუქტები ბავშვის ან შინაური ცხოველის სურათით - თავისუფლად აიღეთ ისინი, მოწმინდეთ იატაკები და შეინარჩუნეთ სიმშვიდე თქვენი ოჯახის წევრების ჯანმრთელობაზე.

ასევე საინტერესოა ის ფაქტი, რომ მეცნიერები გვირჩევენ იატაკის საწმდენდად გამოვიყენოთ მიკროფიბრა. მასზე არ ვრცელდება ბაქტერიები. გარდა ამისა, მიკროფიბრა მალე შრება და კარგად წმენდს ნებისმიერ ზედაპირს ბამბისა და ცელულოზისგან განსხვავებით.