ბავშვის სველი ხელსახოცების მთავარი დანიშნულება რომ ჰიგიენაა, ყველამ კარგად ვიცით. ეს საშუალება ყველას ძალიან გვიყვარს კიდეც. მაგრამ იცოდით, რომ ის ზოგადად, შესანიშნავი პროდუქტია სხვადასხვა სიტუაციაში გამოსაყენებლად?

მაგალითად, ბავშვები ხშირად ტოვებენ ავეჯზე მარკერის ან ფლომასტერის კვალს. სველი ხელსახოცი შესანიშნავი საშუალებაა როგორც მარკერის მელნის, ასევე ფანქრის ნაწილაკების მოსაშორებლად.

გაციება ყველასთვის ნაცნობია უსიამოვნო შეგრძნება, როდესაც ცხვირის ხშირი წმენდის შედეგად ცხვირის ირგვლივ კანი გაწითლებული და მგრძნობიარე ხდება. ბავშვის სველი ხელსახოცი არა მხოლოდ ატენიანებს მას, არამედ საფუძვლიანად მოგაშორებთ სახიდან გაციების ყველა არასასურველ კვალს. არ მოგწონთ, რომ ხელსახოცი სველია? გააშრეთ. ის მაინც იქნება რბილი და სასიამოვნო კანისთვის.

არაფერია იმაზე უარესი, ვიდრე თეთრი დეოდორანტის ლაქები მუქ ტანსაცმელზე. თქვენ არ შეგიძლიათ მათი ხელით მოშორება, მაგრამ სველი ხელსახოცით ამის გაკეთებას შეძლებთ.

ბევრი საწმენდი საშუალება არ არის შესაფერისი ხის იატაკისთვის, რადგან ხშირად აგრესიუალია ხოლმე. სველი ხელსახოცი კი განკუთვნილია ბავშვის ნაზი კანისთვის, ამიტომ ნამდვილად არ დააზარალებს და ეფექტურად გაასუფთავებს ხის იატაკს.

რა თქმა უნდა, საფუძვლიანი გაწმენდისთვის უმჯობესია გამოიყენოთ სპეციალური პროდუქტები, მაგრამ არის სიტუაციები, როდესაც საჭიროა წესრიგის სწრაფად აღდგენა - ამ შემთხვევაშო სველი ხელსახოცები გახდება საუკეთესო ასისტენტი. მას შეუძლია აბაზანის ყველა ზედაპირის კარგად გასუფთავება.

ძალიან  ეფექტირად აშორებს სველი ხელსახოცი ყავის ლაქასაც, უბრალოდ წაუსვით ლაქას და ამაში თავად დარწმუნდებით.

ხალიჩისთვის არაფერია უარესი, ვიდრე მუქი ფერის სითხეები. დაღვრილი კოლა, ყავა, წითელი ღვინო. ლაქაზე დადეთ ნესტიანი ხელსახოცი, შემდეგ პირსახოცი და მაგრად დააწექით, რომ სითხე შეიწოვოს. საჭიროების შემთხვევაში გაიმეორეთ.