ვერანდა ნამდვილი საზაფხულო ადგილია, სადაც სადილობა და დასვენება ძალიან სასიამოვნოა. როგორ მოვაწყოთ ეს ადგილი ლამაზად და ფუნქციონალურად? გვირჩევენ პროფესიონალი დიზაინერები.

ზონირება

სანამ ვერანდის მოწყობას დაიწყებთ, ჯერ ფუნქციები განსაზღვრეთ. ზუსტად ჩამოყალიბდით, რამდენი ზონის გაკეთება გსურთ. ზონირებისთვის შეიძლება გამოიყენოთ შუშა, ტიხარი, ავეჯი და ა.შ.
ვერანდის ეზოსთან გაერთიანება პანორამული ფანჯრებითაც არის შესაძლებელი. ეს ერთიანი სივრცის შთაბეჭდილებას შექმნის და კარგი ამინდის დროს რეალურად მოგცემთ ბუნებასთან შერწყმის საშუალებას.


სტილი

ვერანდის სტილი აბსოლუტურად უნდა შეესაბამებოდეს თქვენს უპირატესობებს, მოთხოვნებს. მაგალითად, ნაციონალური ელემნტების მოყვარულმა ადამიანმა შესაძლოა ვერანდა ამ ელემენტებით გააფორმოს და აქცენტი სწორედ ეროვნულ ნოტებზე გააკეთოს. მინიმალისტური სტილის მოყვარულმა შესაძლოა მინიმალისტური სტილი შეარჩიოს და ა.შ.


ავეჯი

ვერანდის მოწყობის დროს მთავარი საკითხი ის არის, ღიაა ვერანდა თუ დახურული. სწორედ ამაზეა დამოკიდებული, როგორ ავეჯს შერჩევთ. თუ ვერანდა ღიაა, შეგიძლიათ სპეციალური სააგარაკე ავეჯი შეიძინოთ დაწნული, ხის ან ლითონის.


დეკორი

ნებისმიერ სივრცეს სჭირდება ინდივიდუალიზიმი, განათება, ეს, რა თქმა უნდა, ვერანდასაც ეხება. გაიხსენეთ ყველა თქვენი გატაცება და ეცადეთ მაქსიმალურად გამოიყენოთ ეს ელემენტები დეკორში.