ოთახის მცენარეები თვალს ახარებს, ინტერიერს ათბობს და ადამიანს აბედნიერებს. გარდა ამისა, ყვავილები დადებითად მოქმედებს ადამიანის ჯანმრთელობაზე. ჩვენ კი შევეცდებით მოგცეთ რჩევები როგორ უნდა განათავსოთ ყვავილები ფუნქციონალურად და ლამაზად რომ გამოიყურებოდეს.

სამზარეულოში ჩვეული გერანიების მაგივრად მწვანილი შეგიძლით მოათავსოთ, ეს ლამაზიც იქნება და ძალიან მოხერხებული და სასარგებლოც.
თუ ფართობი იძლევა ამის საშუალებას, სახლში შეგიძლიათ მოაწყოთ პატარა ზამთრის ბაღი.

ეცადეთ ყვავილები ისე განათავსოთ, რომ სახლი ტყეს არ დაამსგავსოთ. გარემოს ძალიან ნუ გადატვირთავთ, თავისუფალი ადგილიც დატოვეთ.
თუ სახლში დიდი ზომის ფანჯრები გაქვთ, შესაძლოა ფარდები საერთოდ აღარ დაგჭირდებთ და რაფაზე დიდ ზომის, მაღალი ყვავილები განათავსოთ, ეს ძალიან ლამაზიც იქნება და ორიგინალურიც.

თუ სახლის ზონებად დაყოფა გნებავთ, ეს ფუნქცია ყვავილების ქოთნებით გაფორმებულმა სტელაჟმა შეიძლება შეითავსოს.
ყვავილები ძალიან ჰარმონიულად და ლამაზად გამოიყურება აბაზანაშიც, უბრალოდ უნდა იცოდეთ, რომელი ყვავილები უნდა განათავსოთ იქ.

ზოგადად, როდესაც ინტერიერისთვის ყვავილებს ირჩევთ უნდა ეყრდნობოდეთ არა მხოლოდ საკუთარ გემოვნებას, არამედ უნდა ითვალისწინებდეტ ყველა იმ ფაქტორს, რომელსაც ესა თუ ის მცენარე მოითხოვს.

უნდა იცოდეთ, რომ ყვავილი უნდა უხდებოდს იმ ქოთანს, რომელშიც არის მოთავსებული, დიდი ზომის ყვავილები უმჯობესია იატაკზე მოათავსოთ, ბავშვის ოთახში აბსოლუტურად უვნებელი ყვავილები უნდა შეარჩიოთ და ასევე თავი უნა შეიკავოთ კაქტუსებისა და სხვა ეკლიანი ჯიშებისგან.