ოთახის მცენარეების მიერ გამოთავისუფლებული ჟანგბადი ხელს შეუწყობს ნებისმიერ სუნთქვის ვარჯიშს ძილის ხარისხის გასაუმჯობესებლად.
დღეს სულ მცირე ათეული სხვადასხვა გზა არსებობს ძილის გასაუმჯობესებლად, მაგრამ ფიზიოლოგიური თვალსაზრისით ყველაზე უსაფრთხოა საძინებელში, საწოლთან რაც შეიძლება ახლოს, მწვანე ოთახის მცენარეების განთავსება. საინტერესოა ის ფაქტი, რომ ამ ყვავილების მოვლა ძალიან მარტივია. ერთ-ერთი ასეთი მცენარეა სანსევიერა, ის შესანიშნავად წმენდს ოთახში ჰაერს, რაც საჭიროა იდეალური ჯანსაღი ძილისთვის.
იგივე შეიძლება ითქვას ინგლისურ სუროზეც, რომელიც შესანიშნავად ასუფთავებს სივრცეს და საშუალებას გაძლევთ ისუნთქოთ გაფილტრული ჰაერი.



საინტერესოა ამ კუთხით ლავანდაც, ამ კარგად ცნობილი ოთახის მცენარის სასიამოვნო ბონუსი არის მისი წარმოუდგენლად ლამაზი ვიზუალი, რომელიც ყველას აღაფრთოვანებს. ლავანდა იდეალურია ძილისთვის, სახლში მშვიდი ატმოსფეროს შესაქმნელად, ის ამცირებს შფოთვისა და სტრესის დონეს. საწოლთან მოათავსეთ უპრეტენზიო, მომხიბვლელი ლავანდა, რომელიც ასევე მოგხიბლავთ თავისი ნაზი სურნელით და გექნებათ ჯანსაღი გარემო ძილისთვის.

თუ თქვენი ოჯახის რომელიმე წევრს რესპირატორული დაავადება აწუხებს, დროა შეიძინოთ "ჩვეულებრივი" სურო. სანსევიერიას მსგავსად, მას არ სჭირდება მზის კაშკაშა მუდმივი შუქი, ასუფთავებს ჰაერს.
ეფექტურია ამ კუთხით "მშვიდობის შროშანა" , რომელიც კარგად ჯდება ნებისმიერ ინტერიერში, ადამიანის სასუნთქი სისტემისთვის უკიდურესად მავნე ტოქსინების გაფილტვრა მიმზიდველი მცენარის მხოლოდ მცირე უპირატესობაა.

და ბოლოს ალოე ვერა, ერთ-ერთი ყველაზე გამძლე მცენარე. ეს სუკულენტი ღამით გამოყოფს ჟანგბადს და ლამაზიც არის.