საკუთარ სახლში სიმყუდროვის შეგრძნება ყველა ადამიანს უყვარს. თუმცა ზოგს არ უყვარს ფარდები, ამ შემთხვევისთვის გამოსავალი არსებობს. გთავაზობთ ფანჯრების უსწრაფეს დეკორს საკუთარი ხელით. ეს გახლავთ ყველაზე იაფი და მარტივი პროცესი.

დაგჭირდებათ
მაქმანი
2 სუფრის კოვზი სახამებელი
2 სუფრის კოვზი ცივი წყალი
1,5 ჭიქა ცხელი წყალი
მაკრატელი
ფუნჯი

1. შეარჩიეთ ლამაზი მაქმანი სწორი კიდეებით.
2. ფუნჯის მეშვეობით სახამებლის მასა ფანჯრის მინას წაუსვით. წებოს მოსამზადებლად სახამებელი და ცივი წყალი ერთმანეთში კარგად აურიეთ და ბოლოს დაასხით ადუღებული წყალი.
3. მიაწებეთ მინას მაქმანი.
4. კიდევ ერთხელ გადაუსვით გამზადებული სახამებელი ახლა უკვე მაქმანს, განსაკუთრებით კიდეებს მიაქციეთ ყურადღება.
5. მაქმანი ძალიან მარტივი დასაწებებელია. ის არ იბურცება და არ საჭიროებს სპეციალურ პროცედურებს.
სულ ცოტა ხანში თქვენი ელეგანტური ინტერიერი მზად არის.


ასევე იხილეთ: რამდენი რამის გაკეთება შეგიძლიათ ძველი ფარდებით და მაქმანებით