ბუნებრივი აირის გაჟონვით უკვე მერამდენე უბედურება ხდება. როცა ადამიანები იღუპებიან, მხოლოდ მერე იწყება პრობლემებისა და გამომწვევი მიზეზების ძიება, არადა თუ ქვეყანაში გაზმომარაგების სისტემა გამართულია, მსგავსი შემთხვევების რისკი მინიმუმზეა დაყვანილი.

ჯერ კიდევ ფონიჭალაში მომხდარი აფეთქების შემდეგ, რომელსაც დედა და ჩვილი ბავშვი ემსხვერპლა, გაზეთ "კვირის პალიტრის" ჟურნალისტს ემა ტუხიაშვილს "ყაზტრანსგაზ თბილისის" დირექტორის ყოფილი პირველი მოადგილე სოსო სიმონიშვილი ესაუბრა. მისი თქმით, გაზმომარაგების სისტემა ქვეყანაში კანონისა და რეგულაციების მიღმაა, შესაბამისად, არავინ არის უსაფრთხო გაზმომარაგებაზე პასუხისმგებელი და აფეთქების რისკის ქვეშ, ფაქტობრივად, მთელი თბილისი დგას.


- თუ გაზის მიწისქვეშა ქსელს ელექტროქიმიური დაცვა აქვს, მისი ექსპლუატაციის ვადა 30 წელიწადია. მიწაში მუდმივად არის მოხეტიალე დენი, რომლის გაზომვა და განეიტრალება აუცილებელია, რათა მილზე ელექტრომაგნიტური პოლუსი არ შეიქმნას და გაზის მილი არ გახვრიტოს. უკვე 30 წელია ასეთი დაცვა აღარ აქვს ჩვენს გაზგამანაწილებელ ქსელს, ხოლო იმ შემთხვევაში, თუ ახალ მილსადენს ელექტროქიმიური დაცვა არა აქვს, მისი ექსპლუატაციის ვადა 15 წელია. ასეთი ძველი და ასეთ კატასტროფულ მდგომარეობაში მიწისქვეშა გაზგაყვანილობის ქსელის მოქმედება, როგორიც ჩვენ გვაქვს, კატეგორიულად აკრძალულია ყველა ქვეყანაში არსებული
ნორმატივების მიხედვით.

- როცა ამდენი გაზი გროვდება შენობაში, მობინადრეებს სუნი არ უნდა ეგრძნოთ?
- ქალაქში გაზგაყვანილობის მიწისქვეშა ქსელები დაფხავებულია და გაზი ჟონავს.
მინდა გავაფრთხილო მოსახლეობა - არასდროს დაგმანონ შენობაში ყველა ფანჯარა და კარი. თუ სახლში ჰაერი არ შემოდის, დიდ საფრთხეს უქმნით თქვენს თავს.
თვით გაზი მომწამვლელი არ არის, მომწამვლელია და კლავს წვის პროდუქტი, გამონაბოლქვი. ამიტომ, თუ სარკმელი ოდნავ მაინც გაქვთ გამოღებული, ის არც აფეთქდება და არც მოგწამლავთ. აფეთქება შესაძლოა გამოიწვიოს დახურულ შენობაში როგორც მიწისქვეშა, ისე გაზის ხელსაწყოდან გაჟონვამ. სადღაც ახლოს შესაძლოა მიწისქვეშა გაჟონვა იყოს და გაჰყვეს ტელეფონის კაბელს ან კანალიზაციის მილს, დაგროვდეს, მაგალითად, ტუალეტში... განაგრძეთ კითხვა