რატომ არ გვირჩევენ სამზარეულოში თეთრ იატაკსა და ნიჟარას

საცხოვრებელი სახლის კომფორტულ და მოხერხებულ გარემოდ ქცევა არც ისე რთულია, ამისთვის საკმარისია რამდენიმე დიზაინერული ხრიკის ცოდნა, რათა სივრცე მაქსიმალურად ნათელი და ფართო ჩანდეს.
ეს ხრიკი განსაკუთრებით აქტუალური ძველ, სარემონტო ბინებშია. მთავარია ინტერიერისთვის, იქნება ეს კედლები, ავეჯი თუ იატაკი, თეთრი ან ღია ფერის მასალები შეარჩიოთ.
შემოგთავაზებთ რამდენიმე რჩევას, რომელიც შესაძლოა ძალიან გამოგადგეთ ინტერიერის მოწყობის დროს.

თეთრი ფერის იატაკი

რაც უფრო ღია ფერის არის იატაკი, კედლები და ჭერი, მით დიდად გვეჩვენება ოთახი. თუმცა მხოლოდ თეთრი იატაკი ინტერიერში არცთუ სახარბიელო გადაწყვეტილებაა. თეთრ იატაკზე
სულ პატარ ნაწილაკებიც კი ნათლად ჩანს, ასე რომ, თუ არჩევანს თეთრ ფერზე შეაჩერებთ, უნდა შეემზადოთ ყოველდღიური წმენდისათვის. ასეთი ვარიანტი განსაკუთრებით იმ შემთხვევაშია არის მიუღებელი, თუ სახლში პატარა ბავშვები ან ცხოველები არიან.

იატაკისთვის ყველაზე კარგი ვარიანტი ბუნებრივი ხის ფერია. ამ ფერის იატაკი ინტერიერს უფრო თბლად და მყუდროდ აქცევს. არც ჭუჭყი ეტყობა ძალიან.

თეთრი ნიჟარა სამზარეულოში

საქმე ის არის, რომ თეთრი ნიჟარის ზედაპირს ძალიან ადვილად ეტყობა ნებისმიერი სახის ნალექი. თუ თეთრი ნიჟარა გაქვთ, გირჩევთ ყოველი ჭურჭლის გარეცხვის შემდეგ საგულდაგულოდ გახეხოთ სპეციალური საშუალებებით, წინააღმდეგ შემთხვევაში რამდენიმე თვეში ფერს ისე შეიცვლის, რომ მისი ცნობა გაგიჭირდებათ.

სამზარეულოსთვის ჯობს შეარჩიოთ პრაქტიკული, მეტალის ნიჟარა, რომელიც ძალიან ადვილი მოსავლელია.

კომენტარის დამატება

მსგავსი სიახლეები