თარო კედელზე ერთ-ერთი ყველაზე ძველებურ და აპრობირებული ელემენტია. თანამედროვე ინტერიერში კი თაროს ბევრად უფრო საინტერესო ფუნქცია აკისრია, ვიდრე მხოლოდ ნივთების განსათავსებელ ელემენტს - ის ინტერიერის გასაფორმებელი საშუალებაცაა.

თაროები შესაძლოა იყოს სადა, სწორი, ზედმეტი გაფორმების გარეშე. შესაძლოა იყოს ჩაშენებული, რომელიც შეავსებს აუთვისებელ ზონებს. ამ შემთხვევაშიც თარო შესაძლოა იყოს სხვადასხვა ფორმი და ზომის, ნიშიდან და ოთახის წყობიდან გამომდინარე.


ამ ბოლო დროს ძალიან აქტუალურია არასწორი გეომეტრიული ფორმის თაროები.

დიდი პოპულარობით სარგებლობს და პრაქტიკულიც არის ასევე კუთხის თაროები. ამ შემთხვევაში დამატებითი ბონუსი გახლავთ ის, რომ ოთახში ჩნდება დამატებითი შესანახი სივრცე.

მოდაში შემოვიდა ასევე ყუთის ფორმის ორიგინალური თაროები.


შეკიდული თაროები ეყრდნობა კედელს. ის არც ისეთი საიმედოა, როგორც დაკიდებული თარო, თუმცა ძალიან ლამაზად გამოიყურება.
ბოლო დროს აქტუალობით სარგებლობს ასევე დახრილი თაროები. მკაცრი ჰორიზონტალური და ვერტიკალური ფორმები ნელ-ნელა წარსულს ჩაბარდა.
რაც შეეხება მასალას, თუ რისგან ამზადებენ თანამედროვე თაროებს, ის შესაძლოა იყოს ხის, ფიცრის, მეტალის, მინის, პლასტმასის.
რაც შეეხება იმას, თუ რა შეიძლება განთავსდეს თაროზე, ეს დამოკიდებულია მის ფორმაზე, ზომაზე, მასალაზე, რომლისგანაც ის არის დამზადებული და რა თქმა უნდა, საჭიროებაზე, რა გჭირდებათ თქვენ კონკრეტულ სიტუაციაში.