როგორ შევარჩიოთ კერამიკული ფილები?

ვინც ორიგინალური და დახვეწილი ინტერიერის შექმნაზე არის ორიენტირებული, ბევრს ფიქრობს იმაზე, როგორ შეარჩიოს მოსაპირკეთებელი მასალა. როდესაც სააბაზანოზეა საუბარი, პრინციპში, აქ საფიქრალი ბევრი არაფერია, რადგან ნესტს და წყალს კერამიკული ფილების გარდა ვერც ვერაფერი გაუძლებს. ამიტომაც სააბაზანოში ძირითადად ფილებს შეხვდებით.
თუმცა კერამიკულ ფილას, ნებისმიერი ოთახისთვის, სჭირდება შერჩევა, რათა იყოს დახვეწილი და ისეთიც, რომ მალე არ მოგაბეზროთ თავი.

იმისათვის, რომ შექმნათ საინტერესო ინტერიერი, უნდა იცოდეთ რამდენიმე საინტერესო დეტალი:

1. ტექსტურა

კერამიკული ფილების შერჩევის დროს პირველი, რაც უნდა გაითვალისწინოთ, გახლავთ ფილების ტესტურა. თანამედროვე ბაზარზე ფილების
ფერისა და ტექსტურის ძალიან დიდი არჩევანია. ბოლო დროს ძალიან აქტუალურია ხის და ქვის ფაქტურის ფილები.

2. ზომა

რაც შეეხება ზომას, სტანდარტული ფილების გარდა ძალიან ლამაზია და ასევე ძალიან აქტუალურია მოზაიკის ტიპის ფილები. გარდა იმისა, რომ ეს ძალიან ლამაზია, მოზაიკას შესწევს უნარი ვიზუალურად გაადიდოს სივრცე.

3. ფორმა

კვადრატული და მართკუთხედი ფილების გარდა ძალიან დიდი პოპულარობით სარგებლობს რომბის ფორმის ფილები, ის ორიგინალური და დახვეწილია. ამ ტიპის ფილებით სხვადასხვა ტიპის კომპოზიციის გაკეთებაა შესაძლებელი.


4. რელიეფი

ბოლო დროს მოდურია რელიეფური ფილები მისაღებისა და ბავშვის ოთახისთვის. ამ ტიპის ფილების უპირატესობაა არა მხოლოდ უჩვეულო იერი, არამედ ქვისა და მინის იმიტაციაცაა.

კომენტარის დამატება